Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 29-րդ կետով, Հայաստանի Հանրապետության Քաղաքացիական օրենսգրքի 209-րդ հոդվածի 1-ին կետով, Հայաստանի Հանրապետության Հողային օրենսգրքի 3-րդ հոդվածի 1-ին կետով, 66-րդ հոդվածի 1-ին կետի 1-ին ենթակետով ու 2-րդ կետով, 87-րդ հոդվածի 1-ին կետով ու հիմք ընդունելով Հայաստանի Հանրապետության կառավարության 2011 թվականի դեկտեմբերի 29-ի «Հողերի օգտագործման ժամանակավոր սխեմաներ կազմելու կարգը հաստատելու և Հայաստանի Հանրապետության կառավարության 2001 թվականի հունվարի 17-ի թիվ 30 որոշումն ուժը կորցրած ճանաչելու մասին» թիվ 1918-Ն որոշումը, Հայաստանի Հանրապետության կառավարության 2003 թվականի դեկտեմբերի 24-ի թիվ 1746-Ն որոշումը, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի 2010 թվականի հունիսի 1-ի «Կադաստրային հատակագծերում և քարտեզներում հայտնաբերված սխալների ուղղման հրահանգը հաստատելու մասին» թիվ 186-Ն հրամանը, նկատի ունենալով Հայաստանի Հանրապետության վարչապետի 2001 թվականի օգոստոսի 13-ի թիվ 599 որոշմամբ ստեղծված «Հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի» 2018 թվականի դեկտեմբերի 10-ի թիվ 152 դրական եզրակացությունն ու  Հայաստանի Հանրապետության Սյունիքի մարզի ընդհանուր իրավասության դատարանի 2018 թվականի փետրվարի 2-ի թիվ ՍԴ1/0732/02/17 վճիռը, հաշվի առնելով Վաղարշակ Սամսոնի Մարտիրոսյանի 2018 թվականի սեպտեմբերի 20-ի դիմումն ու համայնքի ղեկավարի առաջարկը,  որոշման նախագծի քվեարկության արդյունքներով  12   կողմ,   -    դեմ,   -   ձեռնպահ 

1.Հայաստանի Հանրապետության Սյունիքի մարզի Սիսիանի համայնքի Անգեղակոթ բնակավայրի հողերի օգտագործման ժամանակավոր սխեմայում (համաձայն հատակագծի) կատարել փոփոխություն և համայնքային սեփականություն հանդիսացող, բնակավայրերի նպատակային նշանակության այլ հողերից 0.0399հա (կադաստրային ծածկագիր՝ 09-013-0031-0001), բնակելի կառուցապատման 0.0887հա (կադաստրային ծածկագիր՝ 09-013-0031-0003), էներգետիկայի, տրանսպորտի, կապի և կոմունալ ենթակառուցվածքային հողերի՝ նպատակային նշանակության, էներգետիկայի 0.0015հա (կադաստրային ծածկագիր՝ 09-013-0031-0002) փոխադրել արդյունաբերության, ընդերքօգտագործման և այլ արտադրական նշանակության օբյեկտների հողեր նպատակային նշանակության՝ գյուղատնտեսական արտադրական օբյեկտների հողեր գործառնական նշանակության:

2. Սույն որոշման 1-ին կետով արդյունաբերության, ընդերքօգտագործման և այլ արտադրական նշանակության օբյեկտների հողերի «գյուղատնտեսական արտադրական օբյեկտների հողեր» գործառնական նշանակությամբ փոխադրված 0.1301հա հողամասը ուղղակի վաճառքի միջոցով չորս հարյուր քառասունչորս հազար ինը հարյուր քառասուներկու ՀՀ դրամ (342x1301=444942) կադաստրային արժեքով օտարել հողամասի վրա գտնվող շինության սեփականատեր՝ Վաղարշակ Սամսոնի Մարտիրոսյանին:

3. Համայնքապետարանի աշխատակազմի քարտուղարին` ապահովել սույն որոշումից բխող գործառույթների իրականացումը: