Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 29-րդ կետով, Հայաստանի Հանրապետության Քաղաքացիական օրենսգրքի 209-րդ հոդվածի 1-ին կետով, Հայաստանի Հանրապետության Հողային օրենսգրքի 3-րդ հոդվածի 1-ին կետով, 66-րդ հոդվածով, 87-րդ հոդվածի 1-ին կետով ու հիմք ընդունելով Հայաստանի Հանրապետության կառավարության 2011 թվականի դեկտեմբերի 29-ի N1918-Ն, 2006 թվականի մայիսի 18-ի N912-Ն, 2003 թվականի դեկտեմբերի 24-ի N1746-Ն որոշումները,  նկատի ունենալով Հայաստանի Հանրապետության վարչապետի 2001 թվականի օգոստոսի 13-ի N599 որոշմամբ ստեղծված «Հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի» 2019 թվականի հունվարի 14-ի թիվ 1 դրական եզրակացությունն ու համայնքի ղեկավարի առաջարկը, որոշման նախագծի քվեարկության արդյունքներով   12  կողմ,   -    դեմ,   -   ձեռնպահ

1. Հայաստանի Հանրապետության Սյունիքի մարզի Սիսիանի համայնքի Շաղատ բնակավայրի հողերի օգտագործման ժամանակավոր սխեմայում (համաձայն հատակագծի) կատարել փոփոխություն և համայնքային սեփականություն հանդիսացող, գյուղատնտեսական նշանակության հողեր կատեգորիայի այլ հողատեսքերից 0.0096հա (կադաստրային ծածկագիր՝ 09-069-0132) փոխադրել էներգետիկայի, կապի, տրանսպորտի, կոմունալ ենթակառուցվածքների օբյեկտների հողեր կատեգորիա՝ էներգետիկայի հողեր գործառնական նշանակության:

2. Սույն որոշման 1-ին կետով 0.0096հա հողամասը արդյունաբերության, էներգետիկայի, կապի, տրանսպորտի, կոմունալ ենթակառուցվածքների հողեր կատեգորիա՝ էներգետիկայի հողեր գործառնական նշանակությամբ փոխադրելուց հետո, հողամասը և նրա վրա կառուցված շինությունն ուղղակի վաճառքի միջոցով 98304 (իննսունութ հազար երեք հարյուր չորս) ՀՀ դրամ (հողամասի արժեք` 96x144=13824 ՀՀ դրամ, շինության արժեք՝ 96x20000x0,044=84480 ՀՀ դրամ) կադաստրային արժեքով օտարել «ՖԻՐՄԱ Գ.Ա.Խ» ՍՊԸ-ին:

3. Համայնքապետարանի աշխատակազմի քարտուղարին` ապահովել սույն որոշումից բխող գործառույթների իրականացումը: