Սիսիանի համայնքապետարանի պաշտոնական կայք

25.01.23 Աշխատանքային այց Թասիկ բնակավայր

Սույն թվականի հունվարի 24-ին Սիսիան համայնքի ղեկավարի պաշտոնակատար Արմեն Հակոբջանյանը համայնքի ղեկավարի տեղակալ Կարեն Հովհաննիսյանի և Թասիկ բնակավայրի վարչական ղեկավար Նարեկ Ավանեսյանի ուղեկցությամբ Թասիկում էր՝ բնակավայրում առկա ջրի խնդրին ավելի բովանդակալից ծանոթանալու նպատակով:

Խողովակը բնակավայր է հասնում 300մ բարձրությունից, որտեղ այժմյան եղանակային պայմաններում ջերմաստիճանը -40 է հասնում: Ձյան սակավության պատճառով սառչում է խողովակը և խափանվում է ջրի բնականոն հոսքը:

Արմեն Հակոբջանյանը տեղում բանավոր հանձնարարականներ տվեց, ինչպես նաև վստահեցրեց, որ խնդիրը գտնվում է համայնքապետարանի ուշադրության կենտրոնում:

20.01.23 Սիսիանում կայացավ ենթակառուցվածքների ոլորտում ներդրումային ծրագրերի ներկայացման համաժողով

Սույն թվականի հունվարի 20-ի վաղ առավոտյան համայնքի ղեկավարի պաշտոնակատար Արմեն Հակոբջանյանը հյուրընկալեց միջոցառման մասնակիցներին՝ ՀՀ ՏԿԵ նախարար Գնել Սանոսյանին, ՀՀ-ում Իրանի Իսլամական Հանրապետության արտակարգ և լիազոր դեսպան Աբբաս Բադախշան Զորհուրիին, Սյունիքի մարզպետ Ռոբերտ Ղուկասյանին, ՀՀ ԱԺ պատգամավոր Կարեն Համբարձումյանին և ողջ պատվիրակությանը:Նախքան համաժողովի մեկնարկը պատվիրակությունն այցելեց Իրան-Հայաստան էլեկտրահաղորդման 3-րդ գծի շինհրապարակ՝ տեղում ենթակայանի աշխատանքին ծանոթանալու նպատակով, որտեղ էլ ՀՀ Տարածքային կառավարման և ենթակառուցվածքների նախարարի տեղակալ Հովհաննես Վարդանյանը նշեց, որ Հայաստանը դեպի Իրան տարեկան մինչև 7-7.5 մլրդ կվտ/ժ էլեկտրաէներգիա կկարողանա արտահանել իդեալական ... Մանրամասն

18.01.23 ՀԱՅՏԱՐԱՐՈՒԹՅՈՒՆ

2023 թվականի հունվարի 27-ին՝ ժամը 14:00-ին, ՀՀ Սյունիքի մարզի Սիսիան համայնքի Վաղատին բնակավայրի վարչական ղեկավարի նստավայրում տեղի կունենա «Հիդրո» ՍՊԸ կողմից ներկայացված ՀՀ Սյունիքի մարզի Վաղատինի ավազակոպճային խառնուրդի շահագործման աշխատանքերի շրջակա միջավայրի վրա ազդեցության նախնական գնահատման հայտի վերաբերյալ առաջին հանրային լսումը։

Համապատասխան մասնագետներին, ազդակիր բնակավայրերի շահագրգիռ մարմիններին հրավիրում ենք մասնակցելու հանրային քննարկմանը:

18.01.23 «Սիսիանի մանկապատանեկան մարզադպրոց» ՊՈԱԿ-ի շին.աշխատանքների մասին

Սիսիան համայնքի ղեկավարի պաշտոնակատար Արմեն Հակոբջանյանը սույն թվականի հունվարի 18-ին այցելեց «Սիսիանի մանկապատանեկան մարզադպրոց» ՊՈԱԿ՝ տեղում շինարարական աշխատանքների ընթացքին և խնդիրներին ծանոթանալու նպատակով:

Սիսիանի (Նոր Բակ) «Նորոգշին» ԲԲԸ հիմնադիր և գլխավոր ճարտարագետ Մարատ Ասլանյանը մանրամասն ծանոթացրեց ինչպես կատարված, այնպես էլ առաջիկայում կատարվելիք աշխատանքներին:

Տեղի ունեցավ քննարկում, պարզաբանվեցին հետաքրքրություն ներկայացնող հարցերը:

16.01.23 Հանդիպում «Ուրբան» կայուն զարգացման հիմնադրամի ներկայացուցիչների հետ

Սույն թվականի հունվարի 16-ին Սիսիան համայնքի ղեկավարի պաշտոնակատար Արմեն Հակոբջանյանը հյուրընկալեց «Դեյլոթ Քնսալթինգ»-ի գործընկեր «Ուրբան» կայուն զարգացման հիմնադրամի ներկայացուցիչներին: Հանդիպմանը մասնակցում էին նաև համայնքի ղեկավարի տեղակալ Կարեն Հովհաննիսյանը, ինչպես նաև համայնքապետարանի աշխատակազմի Քաղաքաշինության և տնտեսության ոլորտը համակարգող բաժնի պետ Սիմոն Հովհաննիսյանը:Կազմակերպությունը Տավուշի, Գեղարքունիքի և Սյունիքի մարզերում նախապատրաստվում է իրականացնել «Հայաստանի ջրային ռեսուրսների կառավարման բարելավում» ծրագիրը՝ համայնքներից ստացված նախնական հայտերի հիման վրա:Քննարկվեց մասնավորապես համայնքի սահմանամերձ Շաղատ ... Մանրամասն

16.01.23 ՀԱՅՏԱՐԱՐՈՒԹՅՈՒՆ

2023 թվականի հունվարի 25-ին՝ ժամը 14:30-ին, ՀՀ Սյունիքի մարզի Սիսիան համայնքի Թասիկ բնակավայրի վարչական ղեկավարի նստավայրում տեղի կունենա «ՍԱԽԱԷԼ» սահմանափակ պատասխանատվությամբ ընկերության կողմից նախատեսվող ՀՀ Սյունիքի մարզի Նժդեհ, Թասիկ և Բնունիս բնակավայրերում օգտակար հանածոների երևակումում 2023-2026թթ․ կատարվելիք երկրաբանահետախուզական աշխատանքների վերաբերյալ հանրային քննարկումներ (1-ին փուլ)։

11.01.23 ՀԱՅՏԱՐԱՐՈՒԹՅՈՒՆ

2023 թվականի հունվարի 24-ին՝ ժամը 12:00-ին, ՀՀ Սյունիքի մարզի Սիսիան համայնքի Բնունիս բնակավայրի վարչական ղեկավարի նստավայրում տեղի կունենա «Գրին Ռոդ» ՍՊԸ-ի կողմից ներկայացված Սյունիքի մարզի Բնունիսի ԱԿԽ-ի երևակման սահմաններում երկրաբանական ուսումնասիրության շրջակա միջավայրի վրա ազդեցության նախնական գնահատման հայտի վերաբերյալ հանրային քննարկում (2-րդ փուլ):

Համապատասխան մասնագետներին, ազդակիր բնակավայրերի շահագրգիռ հանրությանը հրավիրում ենք մասնակցելու հանրային քննարկմանը:

Փաստաթղթերին կարելի է ծանոթանալ ՀՀ շրջակա միջավայրի նախարարության պաշտոնական կայքում (www.env.am) և ք․ Երևան, Բուզանդի 1/3 հասեցում։

11.01.23 «ՍԻՍԻԱՆԻ ՀԱՄԱՅՆՔԻ ԹԻՎ 2 ՆՈՒՀ» ՀՈԱԿ-Ի ԼՈՐ ԲՆԱԿԱՎԱՅՐԻ ԳՈՐԾՈՂ ԿԱՐՃԱԺԱՄԿԵՏ ԽՄԲԻ ԴԱՍՏԻԱՐԱԿԻ ԹԱՓՈՒՐ ՊԱՇՏՈՆ ԶԲԱՂԵՑՆԵԼՈՒ ՀԱՄԱՐ ՄՐՑՈՒՅԹԻ ՄԱՍԻՆ

ՀՀ Սյունիքի մարզի «Սիսիանի համայնքի թիվ 2 նախադպրոցական ուսումնական հաստատություն» ՀՈԱԿ-ը հայտարարում է մրցույթ՝ նախադպրոցական ուսումնական հաստատության Լոր բնակավայրի գործող կարճաժամկետ խմբի դաստիարակի թափուր պաշտոնի համար՝ 0,5 դրույքաչափով։Մրցույթին կարող է մասնակցել հաստատության տվյալ թափուր պաշտոնին Կրթության և գիտության նախարարի 2011 թվականի ապրիլի 26-ի N 416-Ն հրամանով սահմանված տարիֆաորակավորման պահանջներին համապատասխանող անձը: https://escs.am/am/news/4652Մրցույթի համար անհրաժեշտ է ներկայացնել հետևյալ փաստաթղթերը.1) դիմում (Ձև 1). 2) կրթության մասին փաստաթուղթ (դիպլոմ). 3) անձը հաստատող փաստաթուղթ. 4) աշխատանքային ստաժի վերաբերյալ տեղեկանք կամ աշխատանքային ... Մանրամասն

1 2 3 4 5 6 7 8 9 10 ...