Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 21-րդ կետով և Հայաստանի Հանրապետության Քաղաքացիական օրենսգրքի 606-րդ հոդվածով, 608-րդ հոդվածի 1-ին, 616-րդ հոդվածի 1-ին և 5-րդ մասերով ու 617-րդ հոդվածով և նկատի ունենալով Նորվարդ Ստեփանի Խաչատրյանի դիմումն ու համայնքի ղեկավարի առաջարկը․

Սիսիան համայնքի ավագանին որոշում է՝

1. ՀՀ Սյունիքի մարզի Սիսիան քաղաքի սեփականություն հանդիսացող Շաղատ բնակավայրի 1-ին փողոց, թիվ 6 հասցեում գտնվող մանկապարտեզի շենքից` 77.8քմ մակերեսով տարածքը` չօգտագործվող լվացքատան շենքը (համաձայն հատակագծի), 5 տարի ժամկետով, վարձակալական հիմունքներով տրամադրել Նորվարդ Ստեփանի Խաչատրյանին և տարեկան վարձավճար սահմանել 20000 (քսան հազար) ՀՀ դրամ:

2. Համայնքապետարանի աշխատակազմի քարտուղարին՝  ապահովել սույն որոշումից բխող գործառույթների իրականացումը: 

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: