Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 21-րդ կետով և Հայաստանի Հանրապետության Քաղաքացիական օրենսգրքի 685-րդ, 688-րդ հոդվածի 1-ին մասով, 689-րդ, 692-րդ, 693-րդ և 694-րդ հոդվածներով, հաշվի առնելով Սյունիքի գազիֆիկացման և գազամատակարարման մասնաճյուղի տնօրեն Վ. Հակոբյանի գրությունն ու նկատի ունենալով համայնքի ղեկավարի առաջարկը.

1. Հայաստանի Հանրապետության Սյունիքի մարզի Սիսիան համայնքի սեփականություն հանդիսացող գույքը՝ համաձայն հավելվածի, անհատույց և անժամկետ օգտագործման հանձնել «Գազպրոմ Արմենիա» ՓԲԸ Սյունիքի ԳԳՄ-ին՝ հետագա անխափան շահագործման նպատակով: 
2. Համայնքապետարանի աշխատակազմի քարտուղարին՝ ապահովել սույն որոշումից բխող գործառույթների իրականացումը: