Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 15-րդ և 28-րդ կետերով, Հայաստանի Հանրապետության Քաղաքացիական օրենսգրքի 52-րդ, 56-րդ, 58-րդ, 59-րդ հոդվածներով, «Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածի 5-րդ մասով, 10-րդ և 11-րդ հոդվածներով և նկատի ունենալով համայնքի ղեկավարի առաջարկը.

Սիսիան համայնքի ավագանին որոշում է՝

1. Հիմնադրման միջոցով ստեղծել «Սիսիան համայնքի տրանսպորտ» համայնքային ոչ առևտրային կազմակերպություն:

2. Հաստատել «Սիսիան համայնքի տրանսպորտ» համայնքային ոչ առևտրային կազմակերպության կանոնադրությունը՝ համաձայն հավելվածի:

3. Սահմանել «Սիսիան համայնքի տրանսպորտ» համայնքային ոչ առևտրային կազմակերպության գործունեության հասցեն՝ ՀՀ Սյունիքի մարզ ք. Սիսիան, Սիսական փողոց շենք 41:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: