Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 21-րդ կետով, Հայաստանի Հանրապետության Հողային օրենսգրքի 76-րդ հոդվածի 1-ին և 5-րդ մասերով, Հայաստանի Հանրապետության Քաղաքացիական օրենսգրքի 466-րդ հոդվածի 1-ին մասով, հիմք ընդունելով Հայաստանի Հանրապետության կառավարության 2001 թվականի ապրիլի 12-ի «Պետական և համայնքների սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N286 որոշման կարգը, Հայաստանի Հանրապետության Տարածքային կառավարման և ենթակառուցվածքների նախարարության կողմից 2012 թվականի սեպտեմբերի 26-ին տրված «Օգտակար հանածոների արդյունահանման» թիվ ՇԱԹ-29/245 թույլտվությունը և լեռնահատկացման թիվ ԼՎ 245 ակտն ու նկատի ունենալով համայնքի ղեկավարի առաջարկությունը և «ԼԻԴԻԱՆ ԱՐՄԵՆԻԱ» ՓԲԸ-ի 2024 թվականի փետրվարի 02-ի դիմումը. 1. Տալ համաձայնություն օգտակար հանածոների արդյունահանման և (կամ) ընդերքօգտագործման թույլտվություն ունեցող իրավաբանական անձ՝ «ԼԻԴԻԱՆ ԱՐՄԵՆԻԱ» ՓԲԸ-ին 24․02․2014թ-ին կառուցապատման իրավունքով տրամադրված՝ Հայաստանի Հանրապետության Սյունիքի մարզի Սիսիան համայնքի Գորայք բնակավայրի արդյունաբերության, ընդերքօգտագործման և այլ արտադրական նշանակության օբյեկտների հողեր կատեգորիայի հողամասերի՝ վկ. 08022024-09-0020 0.002հա, վկ. 08022024-09-0010 5.3548հա, վկ. 08022024-09-0030 58.7221հա, վկ. 08022024-09-0027 1.9284հա, վկ. 08022024-09-0021 14.5756հա, վկ. 08022024-09-0024 78.5423հա- 17.345հա, վկ.08022024-09-0026-ից 638.4453հա կառուցապատման իրավունքի ժամկետը երկարաձգելու 10 (տասը) տարով՝ մինչև 2034 թվականի փետրվարի 24-ը, տարեկան 1հա 124200 (հարյուր քսանչորս հազար երկու հարյուր) ՀՀ դրամ արժեքով:
2. Համայնքապետարանի աշխատակազմի քարտուղարին` ապահովել սույն որոշումից բխող գործառույթների իրականացումը:
3․Սույն որոշումն ուժի մեջ է մտնում պաշտոնական հրապարակմանը հաջորդող օրվանից։ |