Զեկ. ՎԵՅՆԱՄԻՆ ԹԱՆԳՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 21-րդ  կետով, Հայաստանի Հանրապետության Հողային օրենսգրքի 50-րդ հոդվածի դրույթներով, հիմք ընդունելով Հայաստանի Հանրապետության կառավարության 2001 թվականի ապրիլի 12-ի «Պետական և համայնքների սեփականություն հանդիսացող հողամասերի օտարման, կառուցապատման իրավունքի և օգտագործման տրամադրման կարգը հաստատելու մասին» N286 որոշման կարգը, Հայաստանի Հանրապետության Տարածքային կառավարման և ենթակառուցվածքների նախարարության կողմից 2022 թվականի հունիսի 1-ին տրված «Օգտակար հանածոների արդյունահանման նպատակով երկրաբանական ուսումնասիրության» թիվ ԵՀԹ-29/344 թույլտվությունը և նկատի ունենալով համայնքի ղեկավարի առաջարկությունն ու «ԳԵՈ ՍԵՐՎԵՅ» ՍՊԸ-ի 2022 թվականի դեկտեմբերի 29-ի գրությունը.

1. Հայաստանի Հանրապետության Սյունիքի մարզի Սիսիան համայնքի Շենաթաղ բնակավայրի սահմաններում գտնվող, համայնքային սեփականություն հանդիսացող, գյուղատնտեսական նշանակության հողերից «ԳԵՈ ՍԵՐՎԵՅ» ՍՊԸ-ին շահագործական հետախուզում կատարելու համար, 1 տարի 3 ամիս ժամկետով, տրամադրել 311.31125հա հողամասերից սահմանափակ օգտվելու իրավունք /սերվիտուտ/, մեկ հեկտարը 30000 ՀՀ դրամ տարեկան վճարով, որից՝ 

1) 30.03241հա գյուղատնտեսական այլ հողատեսք /վկ. 05092022-09-0015, ծածկագիր՝ 09-071-0160-0019/,

2) 281.27884հա գյուղատնտեսական այլ հողատեսք /վկ. 12122022-09-0039, ծածկագիր՝ 09-071-0173-0004/:

2.  Համայնքապետարանի աշխատակազմի քարտուղարին` ապահովել սույն որոշումից բխող անհրաժեշտ գործառույթների իրականացումը: