Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով և Հայաստանի Հանրապետության Հողային օրենսգրքի 63-րդ հոդվածով, նկատի ունենալով Հայաստանի Հանրապետության Սյունիքի մարզպետ Ռ. Ղուկասյանի 2023 թվականի սեպտեմբերի 15-ի թիվ 01/05/06581 գրությունը և համայնքի ղեկավարի առաջարկը. 1. Հայաստանի Հանրապետության Սյունիքի մարզի Սիսիան համայնքի Բնունիս բնակավայրի 6-րդ փողոց թիվ 3 հասցեում գտնվող պետական սեփականության շենք-շինություններով /դպրոցի շենք, ծածկագիր՝ 09-022-0011-0011-001, 434.98քմ/ ծանրաբեռնված համայնքային սեփականություն հանդիսացող բնակավայրերի հասարակական կառուցապատման նախատեսված 0.1931հա /ծածկագիր՝ 09-022-0011-0011, վկ. 18092020-09-0043/ հողամասն անհատույց սեփականության իրավունքով /նվիրատվություն/ օտարել Հայաստանի Հանրապետությանը:
2. Համայնքապետարանի աշխատակազմի քարտուղարին ` Հայաստանի Հանրապետության օրենսդրությամբ սահմանված կարգով և ժամկետներում ձեռնարկել սույն որոշումից բխող գործառույթների իրականացումը: |