Սիսիան համայնքի ավագանու 2025 թվականի հունիսի 13-ի թիվ 065-Ա որոշմամբ համայնքում մեկնարկել է 2025 թվականի մասնակցային բյուջետավորման գործընթացը: Որպես ուղղություն սահմանվել է հանրային տարածքների բարեկարգումը, ինչի համար հատկացվել է 30 մլն ՀՀ դրամ։ Գործընթացի կատարումն ապահովելու համար համայնքի ղեկավարի կողմից 2025 թվականի հունիսի 26-ի թիվ 588-Ա որոշմամբ ստեղծվել է Սիսիան համայնքում մասնակցային բյուջետավորման գործընթացի կառավարման հանձնաժողով, սահմանվել է հանձնաժողովի գործունեության կարգն ու գործառույթները, 2025 թվականի մասնակցային բյուջետավորման գործընթացի ժամանակացույցը և մասնակցային բյուջետավորման առաջարկի ձևաթուղթը։  

Մասնակցային բյուջետավորման գործընթացը սույն հարթակով հնարավորություն է ընձեռում համայնքի 16 տարին լրացած բնակիչներին մասնակցելու Սիսիան համայնքի քաղաքային և գյուղական 36 բնակավայրերի տեղական ինքակառավարմանը՝ համայնքի բյուջեի կառավարման գործընթացում քննարկումներ, քվեարկություններ իրականացնելու և առաջարկներ ներկայացնելու ձևերով։ Այդպիսով, համայնքի բնակիչները կարող են ներդրում ունենալ համայնքում կյանքի որակի բարձրացման ու առաջընթացի գործում։

Ձեր առաջարկը ներկայացնելու կամ ներկայացված առաջարկների օգտին քվեարկելու համար անհրաժեշտ է գրանցվել Սիսիանի համայնքապետարանի sisian.am պաշտոնական կայքում՝ անցնելով հետևյալ հղումով (լրացնելով պահանջվող դաշտերը)։