Ղեկավարվելով «Տեղական ինքնակառավարման մասին» օրենքի 18-րդ հոդվածի առաջին մասի  21-րդ  և 29-րդ կետերով, Հողային օրենսգրքի 3-րդ հոդվածի 1-ին կետով, Քաղաքացիական օրենսգրքի 605-րդ հոդվածով, համաձայն Հայաստանի Հանրապետության կառավարության 2011 թվականի դեկտեմբերի 29-ի  N1918-Ն որոշման դրույթների, հիմք ընդունելով  Հայաստանի Հանրապետության վարչապետի 2001 թվականի օգոստոսի 13-ի թիվ 599 որոշմամբ ստեղծված «Հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի» 2024 թվականի հոկտեմբերի 23-ի N 40 դրական եզրակացությունն  ու համայնքի ղեկավարի առաջարկությունը․

        1.  Սյունիքի մարզի Սիսիան համայնքի Իշխանասար բնակավայրի հողերի օգտագործման ժամանակավոր սխեմայում, համաձայն հավելվածի,  կատարել փոփոխություն՝  համայնքային սեփականություն հանդիսացող, գյուղատնտեսական նշանակության 1,15838 հեկտար վարելահողը և 0,05162 հեկտար այլ հողատեսքը փոխադրել բնակավայրերի հողերի կատեգորիա՝  «հասարակական կառուցապատման հողեր» գործառնական նշանակությամբ:

2. Սույն որոշման 1-ին կետով բնակավայրերի հողերի կատեգորիա փոխադրված 1.21 հեկտար հողամասը, նոր դպրոցական շենքի կառուցման և սպասարկման  նպատակով,  նվիրաբերել Հայաստանի Հանրապետությանը:

3. Համայնքի ղեկավարին` ձեռնարկել սույն որոշումից բխող գործառույթների իրականացումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։