Սույն թվականի հուլիսի 22-ին համայնքի ղեկավար Հովսեփ Առաքելյանը Սիսիանի համայնքապետարանի նիստերի դահլիճում հրավիրել էր աշխատանքային խորհրդակցություն, որին ներկա են գտնվել համայնքի ղեկավարի տեղակալ Վարդան Խաչատրյանը, աշխատակազմի քարտուղար Կարեն Իվանյանը, գյուղատնտեսության և բնապահպանության բաժնի պետ Արմեն Խաչատրյանը, ինչպես նաև Գորայք, Ծղուկ, Սառնակունք և Սպանդարյան բնակավայրերի վարչական ղեկավարները։
Խորհրդակցության թեման վերաբերում էր վերջերս ստեղծված «Տրանսպորտ» ՀՈԱԿ-ի հաշվեկշռում գտնվող համայնքի սեփականություն հանդիսացող գյուղատնտեսական նշանակության տեխնիկաների միջոցով մատուցվելիք ծառայություններին, ինչպես նաև դրանց դրույքաչափերը սահմանելուն։
Ըստ համայնքի ղեկավարի, այս գործընթացը էականորեն կթեթևացնի Սիսիան համայնքի գյուղատնտեսների հոգսը, քանզի որոշման արդյունքում գյուղատնտեսները բնակավայրերի վարչական ղեկավարների միջոցով նախօրոք գրանցվելով՝ կկարողանան հեշտությամբ կատարել իրենց գյուղատնտեսական աշխատանքները։ Արդյունքում կստեղծվեն 5 նոր աշխատատեղեր (վարորդների հաստիքներ), որոնց պատասխանատվության ներքո էլ կշահագործվեն տեխնիկաները՝ բարեխղճորեն բավարարելով Սիսիան համայնքի շահառուների կարիքները։