Սիսիանի համայնքապետարանի պաշտոնական կայք

30.05.25 ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱՆՔԸ՝ ՇԱՄԲ ԲՆԱԿԱՎԱՅՐԻ ՕՐՎԱ ԿԱՊԱԿՑՈՒԹՅԱՄԲ

Սիրելի շամբեցիներ,Մայիսի 30-ը նշվում է Սիսական աշխարհի ամենագեղատեսիլ բնակավայրերից մեկի՝ Շամբ բնակավայրի օրը, ինչի կապակցությամբ շնորհավորում եմ ձեզ, մաղթում մշտապես խաղաղ ու անհոգ օրեր ձեր հարազատ բնօրրանում։10-րդ դարի պատմագրությամբ Շամբ բնակավայրը վերահիմնադրվել է 1962-1963 թվականներին որպես Շամբի ՀԷԿ-ի բանավան։ ՀԷԿ-ի և գործարանների շահագործումն օգնում են, որպեսզի հարակից բնակավայրերից մարդիկ իրենց ընտանիքներով գան և հաստատվեն չնաշխարհիկ բնակավայրում, ինչն էլ թույլ է տալիս Շամբին որպես բնակավայր արագորեն զարգանալու և բարգավաճելու։2017 թվականին Շամբի հրապարակում բնակիչները տեղադրում են Արցախյան պատերազմի մասնակից Մայիս Միրզոյանի և Արցախյան պատերազմներում զոհված հերոսների հիշատակը հավերժացնող ... Մանրամասն

30.05.25 ՀԱՅՏԱՐԱՐՈՒԹՅՈՒՆ

Սիրելի՛ սիսիանցիներ․

Երեխաների պաշտպանության միջազգային օրվա կապակցությամբ ս․ թ․ հունիսի 1-ին՝ ժամը 11։00-ից, Կ․ Դեմիրճյանի անվան Սիսիանի քաղաքային զբոսայգում տեղի կունենա մանկական ուրախ միջոցառում, որի ընթացքում

երգ ու պարով հանդես կգան ՆՈւՀ-երի շնորհալի սաները։

Փոքրիկներին հեքիաթային ու ուրախ տրամադրություն կհաղորդեն խաղավարները, ծաղրածուներն ու մուլտհերոսները։

Կլինեն քաղցր ու գունեղ տաղավարներ։

Սիրով սպասում ենք համայնքի բոլոր փոքրիկներին՝ հեքիաթային միջավայրում նշելու աշխարհի ամենապայծառ տոնը։

29.05.25 Քայլերթ դեպի Ազատամարտի հրապարակ

Ս․ թ․ մայիսի 28-ին, Հայաստանի Առաջին Հանրապետության հիմնադրման 107-րդ տարեդարձի և Արցախյան ազատամարտի հերոս Վուրգ Ոսկանյանի ծննդյան 84-րդ տարելիցի կապակցությամբ Սիսիանի համայնքապետարանի նախաձեռնությամբ Սիսակ Նահապետի անվան կենտրոնական հրապարակից իրականացվել է քայլերթ դեպի Ազատամարտի հրապարակ։Սիսիան համայնքի ղեկավար Հովսեփ Առաքելյանի գլխավորությամբ համայնքապետարանի աշխատակազմի և ենթակա կառույցների աշխատակիցները, բնակավայրերի վարչական ղեկավարները, համայնքի տարբեր կառույցների ներկայացուցիչներ, ինչպես նաև բազմաթիվ սիսիանցիներ հարգանքի տուրք են մատուցել Հայաստանի անկախության համար իրենց կյանքը զոհած հայորդիների հիշատակին, որից հետո տեղի է ունեցել տոնական միջոցառում՝ «Աղվան Մինասյանի անվան արվեստի ... Մանրամասն

28.05.25 ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ՝ ՆՎԻՐՎԱԾ ՀԱՅԱՍՏԱՆԻ ԱՌԱՋԻՆ ՀԱՆՐԱՊԵՏՈՒԹՅԱՆ ՀԻՄՆԱԴՐՄԱՆ 107-ՐԴ ՏԱՐԵԴԱՐՁԻՆ

Սիրելի՛ հայրենակիցներ․Այսօր լրանում է Հայաստանի Առաջին Հանրապետության հռչակման 107-րդ տարեդարձը, ինչի առիթով սրտանց շնորհավորում եմ աշխարհասփյուռ մեր հայրենակիցներին։Ցեղասպանության միջով անցած և Արևմտյան Հայաստան կորցրած հայ ժողովուրդը 20-րդ դարասկզբին կարողանում է իր վերջին ուժերը կենտրոնացնել և ջախջախիչ պարտության մատնել թուրք հրոսակներին՝ Սարդարապատի, Բաշ-Ապարանի, Ղարաքիլիսայի մայիսյան հերոսամարտերում կանխելով թշնամու ներխուժումը Անդրկովկաս և փրկելով Արևելյան Հայաստանի վերջին թիզ հողակտորները լիակատար ոչնչացումից։Վերականգնելով Հայոց անկախ պետականությունը՝ 1918-թվականի մայիսի 28-ին, Թիֆլիսում Հայոց ազգային խորհուրդը հռչակում է Հայաստանի Առաջին Հանրապետության ծնունդը։Թեև Առաջին Հանրապետությունը ... Մանրամասն

27.05.25 ՀԱՅՏԱՐԱՐՈՒԹՅՈՒՆ

Սիսիան համայնքի հարգելի՛ բնակիչներ․

Տեղեկացնում ենք, որ Հայաստանի Առաջին Հանրապետության հիմնադրման 107-րդ տարեդարձի առիթով, վաղը՝ ս․ թ․ մայիսի 28-ին՝ ժամը 11։00-ին, Սիսակ Նահապետի անվան կենտրոնական հրապարակից կմեկնարկի քայլերթ դեպի Վուրգ Ոսկանյանի անվան հուշարձան՝ հարգանքի տուրք մատուցելու և ծաղիկներ խոնարհելու հայրենիքի անկախության համար մարտնչած քաջորդիների հիշատակին։

Սիրով հրավիրում են բոլորին․․․

27.05.25 Հանդիպում «ՍՈՍԵ ԿԱՆԱՆՑ ՀԻՄՆԱՀԱՐՑԵՐ» ՀԿ նախագահի հետ

Սիսիան համայնքի ղեկավար Հովսեփ Առաքելյանի հրավերով սույն թվականի մայիսի 27-ին Սիսիան համայնք էր այցելել Sose's Women/Սոսեի կանայք ՀԿ-ի նախագահ Լիանա Սահակյանը։Հանդիպման նպատակը համայնքապետարանի և հասարակական կազմակերպության ակտիվ համագործակցությամբ համայնքում բազմաթիվ ծրագրեր իրականացնելն է։Հասարակական կազմակերպության նախագահ Լիանա Սահակյանն իր խոսքում շնորհակալություն է հայտնել համայնքի ղեկավարին հրավիրելու համար՝ հավելելով, որ այցը հրաշալի մեկնարկ կարող է լինել հետագա ակտիվ համագործակցության համար։ Ծանոթացնելով հասարակական կազմակերպության որդեգրած առաքելությանը՝ տիկին Սահակյանը նշել է, որ կիրականացնեն ծրագրեր, որոնք կնպաստեն ընտանեկան բռնության ենթարկված անձանց և կանանց դերի բարձրացմանը` հասարակական ... Մանրամասն

23.05.25 ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ` ՆՎԻՐՎԱԾ 2024֊25 ՈՒՍ. ՏԱՐՎԱ ՇՐՋԱՆԱՎԱՐՏՆԵՐԻՆ

Սիրելի՛ շրջանավարտներ․Սրտանց ու ջերմորեն շնորհավորում եմ ձեզ՝ ձեր կյանքի ամենահիշարժան օրերից մեկի՝ դպրոցական Վերջին դասի կապակցությամբ:Այսօր դուք կանգնած լինելով ճամփաբաժանին՝ հրաժեշտ եք տալիս ոչ միայն պատանեկան տարիներին, այլև արդեն հարազատ դարձած կրթօջախներին, որտեղ ապրել եք ուրախ և հուզառատ պահեր, սովորել եք բազում գիտելիքներ, ձեռք եք բերել ընկերներ, ունեցել իմաստուն ուսուցիչներ։Ավարտելով դպրոցը, կանգնելով նոր կյանքի շեմին՝ մուտք եք գործում սպասելիքներով, ցանկություններով, ձեռքբերումներով և վերելքներով լի աշխարհ:Ես մաղթում եմ, որ նոր կյանքում ձեր առջև ծառացած յուրաքանչյուր խոչընդոտ ու փորձություն հաղթահարեք առանց արգելքների՝ նվիրվելով և հավատարիմ մնալով սեփական սկզբունքներին։Հարգարժա՛ն մանկավարժներ․Այսօր ... Մանրամասն

22.05.25 ՀԱՅՏԱՐԱՐՈՒԹՅՈՒՆ

Սիսիան համայնքի հարգելի՛ բնակիչներ․

Տեղեկացնում ենք, որ վաղը՝ մայիսի 23-ին՝ ժամը 18։00-ին, դպրոցներում մեկնարկած «Վերջին դասի» միջոցառումներն ամփոփելու նպատակով, Սիսիանի համայնքապետարանի աջակցությամբ Սիսակ Նահապետի անվան կենտրոնական հրապարակում տեղի է ունենալու տոնական միջոցառում, որի ընթացքում համերգային ծրագրով են հանդես գալու սիսիանցի երաժիշտներն ու պարային համույթները, ինչպես նաև իրենց պարային և երաժշտական գեղեցիկ համարներով են ներկայանալու Սիսիան համայնքի #շրջանավարտները։

Երեկոն ամփոփվելու է ուրախ դիսկոտեկով։