Սիսիանի համայնքապետարանի պաշտոնական կայք

07.04.25 ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆԻ ԱՌԹԻՎ

Սիրելի՛ կանայք, մայրեր, քույրեր և աղջիկներ․

Առանձնահատուկ ջերմությամբ և սիրով շնորհավորում եմ Մայրության և գեղեցկության տոնի առթիվ։ Սուրբ Աստվածածնի Ավետման տոնն իր կենսատու խորհրդով թող օրհնի բոլորիդ։

Սիրելի՛ մայրեր․

Ձեր ավանդն ու մասնակցությունը հայ ընտանիքի կերտման, հայապահպանության, պետության արժանի քաղաքացիների ձևավորման, հայոց պետականության ամրապնդման գործում անգնահատելի է։

Անսահման երախտագիտությունս եմ հայտնում մեր հերոսածին մայրերին, ովքեր ամենաթանկը՝ իրենց զավակներին են նվիրել Հայրենիքին:

Թանկագի՛ն կանայք․

Կրկին շնորհավորում եմ այս հրաշալի տոնի կապակցությամբ՝ մաղթելով ձեզ առողջություն, կանացի երջանկություն և բազում հաջողություններ։

04.04.25 Աշխատանքային խորհրդակցություն

Ս․ թ․ ապրիլի 4-ին համայնքի ղեկավար Հովսեփ Առաքելյանը հրավիրել էր աշխատանքային հերթական խորհրդակցություն՝ համայնքի ղեկավարի տեղակալների, աշխատակազմի քարտուղարի, համայնքապետարանի ոլորտային պատասխանատուների, համայնքի վարչական ղեկավարների մասնակցությամբ:

Քննարկվել են մի շարք հարցեր, որոնք հիմնականում վերաբերում էին համայնքի սեփականություն հանդիսացող վարձակալությամբ տրամադրվող գյուղատնտեսական նշանակության վարելահողերին, արոտներին և խոտհարքներին։

Անդրադարձ է կատարվել նաև բնակավայրերի սեփական եկամուտների կատարողականին՝ եռամսյակային կտրվածքով։ Ներկայացվել է ցածր ցուցիչ ունեցող բնակավայրերի ցանկը և հանձնարարվել՝ ջանք ու եռանդ չխնայել՝ բարձր ցուցանիշներ գրանցելու համար:

04.04.25 ԱՊՐԻԼՅԱՆ ՔԱՌՕՐՅԱ ՊԱՏԵՐԱԶՄԻ 9-ՐԴ ՏԱՐԵԼԻՑՆ Է

Այսօր՝ ս․ թ․ ապրիլի 4-ին, ի հիշատակ Ապրիլյան քառօրյա պատերազմում զոհված հայորդիների, Սիսիանի համայնքապետարանը երթ էր կազմակերպել դեպի Սիսիանի քաղաքային պանթեոն:

Սիսիան համայնքի ղեկավար Հովսեփ Առաքելյանի, համայնքապետարանի աշխատակազմի և ենթակա կառույցների աշխատակիցների, բնակավայրերի վարչական ղեկավարների, համայնքի տարբեր կառույցների ներկայացուցիչների, բարձրաստիճան զինվորականների ուղեկցությամբ հարյուրավոր սիսիանցիներ իրենց քայլերն են ուղղել դեպի պանթեոն՝ ծաղիկներ խոնարհելու և խնկարկելու հերոսների անմահ հիշատակը:

Հավերժ փա՜ռք հայրենիքի պաշտպանության համար անմահացած մեր բոլոր քաջորդիներին։

31.03.25 ՀԱՅՏԱՐԱՐՈՒԹՅՈՒՆ

«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի համաձայն, ինչպես նաև ՀՀ կառավարության 19․11․2014թ․ թիվ 1325-Ն և 28․12․23թ․ թիվ 2343 որոշումներով սահմանված կարգով՝ 2025թ․ ապրիլի 25-ին, ժամը 12։00-ին ՀՀ Սյունիքի մարզի Սիսիան համայնքի Շաքի բնակավայրի վարչական ղեկավարի նստավայրում տեղի կունենան հանրային քննարկումներ «Շինաքար 2» ՍՊԸ-ի կողմից Գութանասարի անդեզիտաբազալտների հանքավայրի օգտակար հանածոների արդյունահանման նախաձեռնության վերաբերյալ։ Շահագրգիռ հանրությունը առաջակություններ, դիտողություններ և կարծիքներ կարող է ներկայացնել սույն ծանուցումից հետո 20 աշխատանքային օրվա ընթացքում, գրավոր կամ էլեկտրոնային եղանակով՝ դրանք ուղարկելով Սիսիանի համայնքապետարանի ... Մանրամասն

14.03.25 ՄՐՑՈՒՅԹ «ԱՂՎԱՆ ՄԻՆԱՍՅԱՆԻ ԱՆՎԱՆ ԱՐՎԵՍՏԻ ԵՎ ՍՏԵՂԾԱԳՈՐԾՈՒԹՅԱՆ ԿԵՆՏՐՈՆ» ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՏՆՕՐԵՆԻ ԹԱՓՈՒՐ ՊԱՇՏՈՆԻ

Հայաստանի Հանրապետության Սյունիքի մարզի Սիսիանի համայնքապետարանը հայտարարում է մրցույթ «Աղվան Մինասյանի անվան արվեստի և ստեղծագործության կենտրոն» համայնքային ոչ առևտրային կազմակերպության (այսուհետ՝ հաստատություն) տնօրենի թափուր պաշտոն զբաղեցնելու համար։ Կազմակերպության գտնվելու վայրն է՝ ք․ Սիսիան, Չարենցի 5։Հաստատության տնօրենն իրականացնում է հետևյալ հիմնական գործառույթները՝ա) առանց լիազորագրի հանդես է գալիս հաստատության անունից, ներկայացնում նրա շահերը և կնքում է գործարքներ, բ) նախագահում է հաստատության մանկավարժական խորհրդի նիստերը, գ) Հայաստանի Հանրապետության օրենսդրությամբ, հիմնադրի և համայնքի ղեկավարի իրավական ակտերով և սույն կանոնադրությամբ սահմանված կարգով տնօրինում ... Մանրամասն

08.03.25 ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱԿԱՆ ՈւՂԵՐՁԸ ՆՎԻՐՎԱԾ ՄԱՐՏԻ 8֊ԻՆ` ԿԱՆԱՆՑ ՄԻՋԱԶԳԱՅԻՆ ՕՐՎԱՆ

Սիրելի՛ կանայք, մայրեր և աղջիկներ․Սրտանց ու ջերմորեն շնորհավորում եմ Մարտի 8-ի՝ Կանանց միջազգային օրվա կապակցությամբ, մաղթում անսահման սեր, երջանկություն և բազում հաջողություններ:Գարնանային այս հրաշալի տոնը առիթ է, ևս մեկ անգամ կանանց երախտագիտության և փառաբանման խոսքեր հասցեագրելու համար։Անգնահատելի ու անուրանալի է խոնարհությամբ, հնազանդությամբ, հեզությամբ օժտված հայ կնոջ կարևորագույն կերպարը ինչպես ընտանիքում՝ սերունդներ ունենալու, կրթելու և դաստիարակելու գործում, այնպես էլ հասարակական-քաղաքական կյանքում, ինչը, հիրավի, մեծապես նպաստում է ամենատարբեր ոլորտներում ունենալ առողջ հասարակություն և կենսունակ միջավայր։Ձեր ներկայությունը և գործուն մասնակցությունը բոլոր ոլորտներում բարության, փոխըմբռնման ... Մանրամասն

07.03.25 2025 ԹՎԱԿԱՆԻ ՄԱՐՏԻ 14-ԻՆ ԿԱՅԱՆԱԼԻՔ ԱՎԱԳԱՆՈՒ ՀԻՆԳԵՐՈՐԴ ՆՍՏԱՇՐՋԱՆԻ ՀԵՐԹԱԿԱՆ ՆԻՍՏԻ ՎԵՐԱԲԵՐՅԱԼ

2025թ. մարտի 14-ին, ժամը 16:00-ին Սիսիանի համայնքապետարանի դահլիճում տեղի կունենա համայնքի ավագանու հինգերորդ նստաշրջանի հերթական նիստ՝ հետևյալ օրակարգով. 1․ Հայաստանի Հանրապետության Սյունիքի մարզի Սիսիան համայնքի ավագանու 2024 թվականի դեկտեմբերի 20-ի թիվ 124-Ն որոշման մեջ փոփոխություններ և լրացումներ կատարելու մասին.2․ Գերմանական միջազգային համագործակցության ընկերության կողմից գործադրվող տեղական զարգացման հիմնադրամի շրջանակներում դրամաշնորհային մրցույթին մասնակցելուն և համաֆինանսավորում ապահովելուն համաձայնություն տալու մասին․3․ «Գործընկերություն հանուն Սյունիքի բարելավված համայնքային սոցիալական ծառայություններ» ծրագրի շրջանակում ենթադրամաշնորհային մրցույթին մասնակցելուն ... Մանրամասն

07.03.25 ՄՐՑՈՒՅԹ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ ՍԻՍԻԱՆԻ ՀԱՄԱՅՆՔԱՊԵՏԱՐԱՆԻ ԱՇԽԱՏԱԿԱԶՄԻ ՀԱՄԱՅՆՔԱՅԻՆ ԾԱՌԱՅՈՒԹՅԱՆ ԹԱՓՈՒՐ ՊԱՇՏՈՆՆԵՐԻ

Հայաստանի Հանրապետության Սյունիքի մարզի Սիսիանի համայնքապետարանի աշխատակազմի (այսուհետ՝ աշխատակազմ) համայնքային ծառայության թափուր պաշտոններ զբաղեցնելու համար 2025 թվականի ապրիլի 10-ին, ժամը 10:00-ին, Սիսիանի համայնքապետարանի շենքում /ք. Սիսիան, Սիսական 31/կանցկացվի մրցույթ հետևյալ պաշտոնների համար՝ 1) աշխատակազմի քարտուղարության, անձնակազմի կառավարման, տեղեկատվական տեխնոլոգիաների բաժնի պետ (ծածկագիր` 2.1-1), 2) աշխատակազմի քաղաքաշինության բաժնի պետ (ծածկագիր` 2.1-5), 3) աշխատակազմի քաղաքաշինության բաժնի գլխավոր մասնագետ (ծածկագիր` 2.3-15), 4) աշխատակազմի եկամուտների հաշվառման և հավաքագրման բաժնի գլխավոր մասնագետ (ծածկագիր` 2.3-9),5) աշխատակազմի կրթության, մշակույթի, ... Մանրամասն

1 2 3 4 5 6 7 8 9 10 ...