Առաջարկներ
Բռնակոթ բնակավայրում խաղահրապարակի կառուցում
ՉՆԱՇԽԱՐՀԻԿ ՀԱՐՈՒԹՅՈՒՆՅԱՆ
24 հուլիս 2025
Առաջարկում եմ Սիսիան համայնքի Բռնակոթ բնակավայրի 15 փողոցում կառուցել մանկական խաղահրապարակ՝ 462քմ մակերեսով հատվածում։ Առաջարկի իրագործման դեպքում կբարելավվի այդ տարածքը և շատ մանուկներ կարող են կազմակերպել իրենց համար բովանդակալից ազատ ժամանց։
386
Այլ
ԶԲՈՍԱՅԳՈՒ ՀԻՄՆՈՒՄ
Արմեն Եսայան
22 հուլիս 2025
Սիսիան համայնքի Անգեղակոթ բնակավայրի մշակույթի տան տարածքում է գտնվում Անդրանիկ Օզանյանի արձանը, Արցախյան պատերազմում զոհված ազատամարտիկների պանթեոնը, բնակավայրի կենցաղի տունը, վարչական ղեկավարի նստավայրը, սպորտ դահլիճը, գրադարանը, « Հայփոստ »- ի բաժանմունքը և տարածաշրջանի ամբուլատորիան։ Միևնույն ժամանակ նշված տարածքն ունի 1650քմ ազատ տարածք և չունի ցանակապատ, որի պատճառով տարածքը պաշտպանված չէ անասունների մուտքից, տիրում է ոչ սանիտարահիգիենիկ վիճակ։
Ցանկանում ենք նշված տարածքը ցանկապատել, սալիկապատել, ծառեր տնկել, տեղադրել լուսավորության լամպեր և նստարաններ, վերանորոգել աստիճանները, կառուցել ոռոգման ցանց։
838
Կանաչ համայնք և բարեկարգում
Մայթերի բարեկարգում
ԱՆԱՀԻՏ ՄԱՐՏԻՐՈՍՅԱՆ
15 հուլիս 2025
Առաջարկում եմ բարեկարգել և կանաչապատել Սիսիան քաղաքի Իսրայելյան 39 փողոցի մայթերի 1200 քմ մակերեսով հատվածը։ Նշված տարածքը գտնվում է քաղաքի կենտրոնական և բանուկ հատվածում ու մայթերի անբարեկարգ վիճակը մեծ անհարմարություն է ստեղծում անցորդների համար։ Առաջարկի իրագործման դեպքում կբարելավվի քաղաքի արտաքին տեսքը, կապահովվի նաև անցորդների անվտանգ անցուդարձը։
26
Կանաչ համայնք և բարեկարգում
Հուշարձան - աղբյուր
ԼԻԱՆՆԱ ԹՈՒՄԱՆՅԱՆ
11 հուլիս 2025
Առաջարկում եմ բարեկագել Սիսիան համայնքի Ույծ Բնակավայրում գտնվող հուշարձան-աղբյուրի տարածքը։ Հուշարձան-աղբյուրը կառուցվել է 1995 թ-ին գյուղացիների նախաձեռնությամբ և ձեռամբ։ Ժամանակի ընթացքում հուշարձանի տարածքը կորցրել է իր երբեմնի տեսքը և դարձել է մոռացված անկյուն, ինչը հարիր չէ մեզ բոլորիս։ Ուստի, առաջարկում ենք ձեռնամուխ լինել հուշարձանի հարակից տարածքը կյանքի կոչելու, գեղեցիկ տեսք հաղորդելուն։ Աջակցեք, վերակերտենք զոհվածներին խոնարհվելու մեր փառքի անկյունը, որպեսզի բոլոր սերունդները ճանաչեն, հիշեն և գնահատեն նրանց։
575
Կանաչ համայնք և բարեկարգում
Որոտան կ/թ-ի հարակից տարածքի բարեկարգում
ՆԻՆԱ ՍԱՐԳՍՅԱՆ
11 հուլիս 2025
Առաջարկում եմ բարեկարգել Սիսիան քաղաքում գտնվող Որոտան կինոթատրոնի հարակից տարածքը։ Նշված տարածքը գտնվում է քաղաքի կենտրոնական հատվածում։ Նախկինում ծառայել է որպես հրապարակ-զբոսայգի թե՛ տարեցների, և թե՛ երիտասարդների համար։ Սակայն այժմ գտնվում է անմխիթար և անբարեկարգ վիճակում, ավելին՝ հաճախ հակասանիտարական վիճակներ են ստեղծվում շրջապատի համար։ Բարեկարգումից հետո տարածքը կրկին կծառայի իր նպատակին, որից կօգտվեն համայնքի բոլոր բնակիչներն ու այցելուները։ Առաջարկված ծրագրի իրագործումը կխթանի նաև զբոսշրջային միջավայրի զարգացումը։
122
Կանաչ համայնք և բարեկարգում