Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով և 43-րդ հոդվածի 1-ին մասի 3-րդ կետով և Հայաստանի Հանրապետության Հողային օրենսգրքի 76-րդ հոդվածի 3-րդ մասով ու 91-րդ հոդվածի 1-ին մասի 1-ին կետով, հիմք ընդունելով Սիսիան համայնքի ավագանու 2025 թվականի փետրվարի 14-ի թիվ 014-Ա որոշումն ու նկատի ունենալով Սիսիան համայնքի վարչական սահմաններում գտնվող պետության և համայնքային սեփականություն հանդիսացող հողամասերի մրցութային հանձնաժողովի 2025 թվականի հուլիսի 01-ի թիվ 12 արձանագրությունը՝ որոշում եմ.

1. Սիսիան համայնքի սեփականություն հանդիսացող Իշխանասար բնակավայրի վարչական տարածքում գտնվող գյուղատնտեսական նշանակության անջրդի 5-րդ խմբի 5,07543հա վարելահողը (վկ.՝ N 22082024-09-0054, ծածկ.՝ 09-060-0039-0003)՝ տարեկան 15226(տասնհինգ հազար երկու հարյուր քսանվեց) ՀՀ դրամ վարձավճարով, 25 տարի ժամկետով, վարձակալությամբ տրամադրել քաղաքացի Գևորգ Ժուբերի Աբգարյանին (անձնագիր՝ AS0395775, տրված՝ 15.10.2018թ., 051-ի կողմից) գյուղատնտեսական մշակաբույսերի մշակման նպատակով:

2. Սույն որոշումից ծագող իրավունքները ենթակա են գույքային իրավունքների պետական գրանցման:

3. Վարելահողի վարձակալության տրամադրման պայմանագրի պետական գրանցման հետ կապված ծախսերը կատարել վարձակալի սեփական միջոցների հաշվին:

4. Համայնքապետարանի աշխատակազմի քարտուղարին՝ ապահովել սույն որոշման 1-ին կետից բխող գործառույթների իրականացումը:

5․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։