| Նպատակ | Սիսիանը վաղը՝
- Գործում է տուրիզմի զարգացման կենտրոն, որը ներկայացնում է մշակութային, արկածային, ագրո, էկո, ճանաչողական, վրանային, էթնիկ մշակութային և բժշկական տուրիզմի տեսակները։ Առկա են բարձրակարգ հյուրանոցներ և հյուրատներ։ Ժամանցի կազմակերպման համար մշակված են «ջիփփինգ» երթուղիներ, վարպետաց դասեր, գործում է զիփլայն։
- Զարգացած է տոհմային անասնապահությունը, ձկնաբուծությունը, հողագործությունը՝ բանջարաբոստանային մշակաբույսերի և հատապտուղների արտադրությամբ։ Կառուցվել և աշխատում են ջերմոցային տնտեսություններ։ Համայնքն ունի ժամանակակից ՄՏԿ։ Սիսիանը հայտնի է որպես էկո բնամթերք մատակարարող համայնք։
- Հիմնվել են գյուղմթերքի վերամշակման արտադրամասեր, սառնարանային տնտեսություններ, թեյերի արտադրություն (խոտաբույսերից) և այլն։
- Զարգացած է տեքստիլ արդյունաբերությունը։ Զգալի թվով աշխատատեղեր են ապահովում ջրի շշալցման արտադրամասը, քարի և աղբի վերամշակման արտադրամասերը։
- Զարգացած են բարձր տեխնոլոգիաների արտադրությունը, ՏՏ ոլորտի ձեռնարկությունները։ Հիմնվել են այլընտրանքային էներգիայի կայաններ։
- Ներդրված է կրթական հզոր համակարգ՝ վերապատրաստված մասնագետներով և դիդակտիկ նյութերով, կրթությունը տասնամյա է։ Բացվել են համալսարանի մասնաճյուղ, նորագույն տեխնոլոգիաներով միջին մասնագիտական ուսումնարաններ, արհեստագործական կենտրոն, ռազմական կրթության, ինքնապաշտպանության ուսուցման կենտրոն։ Մանկապարտեզները ու նախակրթարանները լցված են սաներով։
- Բուժհաստատությունները հագեցած են տեխնիկական միջոցներով և բարձրակարգ մասնագետներով։ Կան առողջարանային կենտրոններ, սպորտային համալիրներ։
- Կազմակերպվում են շրջիկ ցուցահանդեսներ և մշակութային միջոցառումներ։ Բացվել են ժամանակակից արվեստի թանգարան, պատկերասրահ, կինո, թատրոն և գյուղական ակումբներ։ Մշակութային կենտրոնում գործում են երաժշտության, պարի, նկարչության և այլ խմբակներ։
- Առկա են սարքավորումներով հագեցած կիրառական արվեստի արհեստագործական կենտրոններ՝ սոցիալապես խոցելի խավերի և հաշմանդամների համար։
- Համայնքը ասֆալտապատ ու լուսավորված է, կառուցվել են հանգստի և ժամանցի վայրեր։ Կազմակերպվում են ցուցահանդեսներ, սիմպոզիումներ։ Գործում է հասարակական տրանսպորտ։
|