Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հիմք ընդունելով Հայաստանի Հանրապետության կառավարության 2020 թվականի հունիսի 4-ի թիվ 1023-Ն որոշմամբ հաստատված կարգը և 2006 թվականի մայիսի 18-ի թիվ 912-Ն որոշումը, Հայաստանի Հանրապետության Սյունիքի մարզի Սիսիան համայնքի ավագանու 2023 թվականի հոկտեմբերի 6-ի թիվ 57-Ա որոշումն ու նկատի ունենալով Վարդան Վոլոդյայի Բաբայանի դիմումը՝ որոշում եմ.

1․ Հայաստանի Հանրապետության Սյունիքի մարզի Սիսիան համայնքի սեփականություն հանդիսացող, Գայի փողոց թիվ 6/13 հասցեում գտնվող անշարժ գույքը՝ 0,00264հա հողամասը և նրա վրա Վարդան Վոլոդյայի Բաբայանի կողմից ինքնակամ կառուցված, համայնքային սեփականություն գրանցված 26,4քմ արտաքին մակերեսով ավտոտնակը (ներքին մակերես՝ 21,27քմ),  որոնց պահպանումը չի խախտում այլ անձանց իրավունքները և օրենքով պահպանվող շահերը, կառուցված չէ ինժեներատրանսպորտային օբյեկտների օտարման կամ անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, վտանգ չի սպառնում քաղաքացիների կյանքին ու առողջությանը, ճանաչել օրինական և 64152 (վաթսունչորս հազար հարյուր հիսուներկու) ՀՀ դրամ արժեքով՝ (հողամասի արժեք` 26,4x330000x0,00370=32234,4 ՀՀ դրամ, ավտոտնակի արժեք՝ 26,4x10000x0,1209=31917,6 ՀՀ դրամ) ուղղակի վաճառքի միջոցով օտարել ինքնակամ շինություն իրականացրած անձ, քաղաքացի Վարդան Վոլոդյայի Բաբայանին (անձ․՝ AU0481439 տրված՝ 02.11.2021թ., 051-ի կողմից, ծնված՝ 15․07․1973թ․): 

2. Աշխատակազմի քարտուղարին՝ ապահովել սույն որոշումից բխող գործառույթների իրականացումը:

3. Որոշման ընդունման օրվանից օրինականացման համար սահմանված վճարների՝ 60-օրյա ժամկետում չվճարման դեպքում որոշումը համարվում է ուժը կորցրած։

4. Սույն որոշումն ուժի մեջ է մտնում պաշտոնական իրազեկմանը հաջորդող օրվանից: