Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով և «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 1-ին և 3-րդ կետերով ու 34-րդ հոդվածի պահանջներով՝ որոշում եմ.

1. Հայաստանի Հանրապետության Սյունիքի մարզի Սիսիան համայնքի ղեկավարի 2024 թվականի օգոստոսի 20-ի «Սիսիան համայնքում գտնվող համայնքային սեփականություն հանդիսացող հողամասի վրա ինքնակամ կառուցված շինությունն օրինական ճանաչելու և համայնքային սեփականություն համարելու մասին» թիվ 712-Ա որոշման մեջ կատարել փոփոխություն և որոշման 1-ին կետը շարադրել հետևյալ կերպ՝ Սիսիան համայնքի Սիսիան քաղաքի Ա․Մանուկյան փողոց թիվ 3/5 հասցեի Հայաստանի Հանրապետության Հողային օրենսգրքի 60-րդ հոդվածով սահմանված հողամասերում և ինժեներատրանսպորտային օբյեկտների օտարման գոտիներում չգտնվող, քաղաքաշինական նորմերին չհակասող և սերվիտուտ չառաջացնող բնակավայրերի բնակելի կառուցապատման գոտում գտնվող, համայնքային սեփականություն հանդիսացող 0,03780հա հողամասի վրա ինքնակամ կառուցված 19,3քմ արտաքին մակերեսով ավտոտնակը,  2,33քմ արտաքին մակերեսով սանհանգույցը, 9,51քմ արտաքին մակերեսով ծածկը, 21,29քմ արտաքին մակերեսով այգետնակը և 15,79քմ արտաքին մակերեսով խորդանոցը ճանաչել օրինական և համարել համայնքային սեփականություն (շինությունների ներքին մակերեսներ՝ ավտոտնակ 18,34քմ, սանհանգույց 1,77քմ, ծածկ 9,51քմ, այգետնակ 16,08քմ, խորդանոց 12,95քմ):Հաշվառման ծածկագիր՝ 2023ZLJTHC:

2. Համայնքապետարանի աշխատակազմի քարտուղարին՝ ապահովել սույն որոշումից բխող անհրաժեշտ գործառույթների իրականացումը:

3. Սույն որոշումից ծագող իրավունքները ենթակա են գույքային իրավունքների պետական գրանցման:

4․ Սույն որոշումն ուժի մեջ է մտնում պաշտոնական հրապարակամանը հաջորդող օրվանից։