Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հիմք  ընդունելով Հայաստանի Հանրապետության քաղաքացիական օրենսգրքի 431-րդ հոդվածը, ինչպես նաև Արմինե Ռոբերտի Սարգսյանի դիմումը՝ որոշում եմ․

1. Ներել Հայաստանի Հանրապետության Սյունիքի մարզի Սիսիան համայնքի և Արմինե Ռոբերտի Սարգսյանի միջև 2022 թվականի հուլիսի 1-ին կնքված տարածքի  վարձակալության պայմանագրի 2022 թվականի հոկտեմբերի  1-ից հաշվարկված հարկային պարտավորությունները, հաշվի առնելով այն հանգամանքը, որ տվյալ գույքը նշված ժամանակահատվածից սկսած չի օգտագործվել վարձակալի կողմից՝ ջեռուցում չլինելու պատճառով: 

2. Համայնքապետարանի աշխատակազմի քարտուղարին` ապահովել սույն որոշումից բխող անհրաժեշտ գործառույթների իրականացումը:

3․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։