Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի առաջին մասի 24-րդ կետով և 38-րդ հոդվածի առաջին մասի 1-ին կետով ու «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 31-րդ հոդվածի 1-ին, 2-րդ և 4-րդ մասերի պահանջներով՝ որոշում եմ.

1. Հայաստանի Հանրապետության Սյունիքի մարզի Սիսիան համայնքի 2025 թվականի բյուջետային գործընթացը սկսելու նպատակով ստեղծել բյուջեի նախագծի մշակման աշխատանքները համակարգող խումբ և հաստատել խմբի անհատական կազմը՝ համաձայն հավելված 1-ի:

2. Հաստատել Հայաստանի Հանրապետության Սյունիքի մարզի Սիսիան համայնքի զարգացման հնգամյա ծրագրին համապատասխան տարեկան աշխատանքային պլանով նախատեսվող 2025 թվականի համայնքային բյուջեի նախագծի մշակման աշխատանքների իրականացման ժամանակացույցը՝ համաձայն հավելված 2-ի:

3․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։