Սիսիանի համայնքապետարանի պաշտոնական կայք

24.04.25 Հարգանքի տուրք` Հայոց ցեղասպանության զոհերի հիշատակին

Այսօր՝ ս. թ. ապրիլի 24-ին, Հայոց ցեղասպանության 110-րդ տարելիցի օրը քայլերթ է իրականացվել Սիսակ Նահապետի անվան կենտրոնական հրապարակից դեպի Մեծ եղեռնի անմեղ զոհերին նվիրված հուշաքար:

Սիսիան համայնքի ղեկավար Հովսեփ Առաքելյանի գլխավորությամբ ուժային կառույցների պաշտոնատար անձինք, ՏԻՄ և տարբեր հաստատությունների աշխատակիցներ, բազմաթիվ մարդիկ հարգանքի տուրք են մատուցել Մեծ եղեռնի անմեղ զոհերի հիշատակին՝ ծաղիկներ խոնարհելով նրանց հիշատակը հավերժացնող հուշաքարին և աղոթք բարձրացրել առ Աստված՝ 1,5 միլիոն անմեղ զոհերի հոգիների հանգստության ու խաղաղության համար:

Հավերժ փառք ու խոնարհում անմեղ զոհերի հիշատակին:

16.04.25 ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՀՀ ՈՍՏԻԿԱՆՈՒԹՅԱՆ ԱՇԽԱՏՈՂԻ ՕՐՎԱ ԿԱՊԱԿՑՈՒԹՅԱՄԲ

Ոստիկանության հարգելի՛ ծառայողներ․Շնորհավորում եմ բոլորիդ մասնագիտական տոնի՝ Հայաստանի Հանրապետության Ոստիկանության օրվա առիթով։Այս տոնը ևս մեկ անգամ հնարավորություն է ընձեռում մեր երախտագիտության խոսքերը հղելու ձեզ, քանզի ձեր նվիրվածության, արիության, պրոֆեսիոնալիզմի և շուրջօրյա անխոնջ աշխատանքի շնորհիվ մենք կարողանում ենք ապրել, սովորել, աշխատել, արարել հանգիստ ու խաղաղ։Սիսիան համայնքի ոստիկանության հարգելի՛ ծառայողներ․Ցանկանում եմ վստահեցնել, որ հանուն մեր բնակիչների անվտանգության, օպերատիվ-ծառայողական գործունեության և հասարակական կարգի ապահովման գործում մեզ տրված լիազորությունների ու օրենքի շրջանակում մենք մշտապես պատրաստակամ ենք համագործակցել և աջակցել ձեզ։Կրկին անգամ շնորհավորում և իմ խորին ... Մանրամասն

11.04.25 2025 ԹՎԱԿԱՆԻ ԱՊՐԻԼԻ 18-ԻՆ ԿԱՅԱՆԱԼԻՔ ԱՎԱԳԱՆՈՒ ՀԻՆԳԵՐՈՐԴ ՆՍՏԱՇՐՋԱՆԻ ՀԵՐԹԱԿԱՆ ՆԻՍՏԻ ՎԵՐԱԲԵՐՅԱԼ

2025թ. ապրիլի 18-ին, ժամը 16:00-ին Սիսիանի համայնքապետարանի դահլիճում տեղի կունենա համայնքի ավագանու հինգերորդ նստաշրջանի հերթական նիստ՝ հետևյալ օրակարգով. Հայաստանի Հանրապետության Սյունիքի մարզի Սիսիան համայնքի 2025 թվականի բյուջեի կատարման առաջին եռամսյակի ընթացքի մասին․Հայաստանի Հանրապետության Սյունիքի մարզի Սիսիան համայնքի ավագանու 2024 թվականի դեկտեմբերի 20-ի թիվ 124-Ն որոշման մեջ փոփոխություններ և լրացումներ կատարելու մասին.Հայաստանի Հանրապետության Սյունիքի մարզի Սիսիան համայնքի ավագանու 2023 թվականի մայիսի 17-ի թիվ 16-Ա որոշման մեջ փոփոխություն և լրացում կատարելու մասին․Հայաստանի Հանրապետության Սյունիքի մարզի Սիսիան համայնքի հողային հաշվեկշռին համաձայնություն տալու ... Մանրամասն

07.04.25 ՍԻՍԻԱՆ ՀԱՄԱՅՆՔԻ ՂԵԿԱՎԱՐ ՀՈՎՍԵՓ ԱՌԱՔԵԼՅԱՆԻ ՇՆՈՐՀԱՎՈՐԱԿԱՆ ՈՒՂԵՐՁԸ ՄԱՅՐՈՒԹՅԱՆ ԵՎ ԳԵՂԵՑԿՈՒԹՅԱՆ ՏՈՆԻ ԱՌԹԻՎ

Սիրելի՛ կանայք, մայրեր, քույրեր և աղջիկներ․

Առանձնահատուկ ջերմությամբ և սիրով շնորհավորում եմ Մայրության և գեղեցկության տոնի առթիվ։ Սուրբ Աստվածածնի Ավետման տոնն իր կենսատու խորհրդով թող օրհնի բոլորիդ։

Սիրելի՛ մայրեր․

Ձեր ավանդն ու մասնակցությունը հայ ընտանիքի կերտման, հայապահպանության, պետության արժանի քաղաքացիների ձևավորման, հայոց պետականության ամրապնդման գործում անգնահատելի է։

Անսահման երախտագիտությունս եմ հայտնում մեր հերոսածին մայրերին, ովքեր ամենաթանկը՝ իրենց զավակներին են նվիրել Հայրենիքին:

Թանկագի՛ն կանայք․

Կրկին շնորհավորում եմ այս հրաշալի տոնի կապակցությամբ՝ մաղթելով ձեզ առողջություն, կանացի երջանկություն և բազում հաջողություններ։

04.04.25 Աշխատանքային խորհրդակցություն

Ս․ թ․ ապրիլի 4-ին համայնքի ղեկավար Հովսեփ Առաքելյանը հրավիրել էր աշխատանքային հերթական խորհրդակցություն՝ համայնքի ղեկավարի տեղակալների, աշխատակազմի քարտուղարի, համայնքապետարանի ոլորտային պատասխանատուների, համայնքի վարչական ղեկավարների մասնակցությամբ:

Քննարկվել են մի շարք հարցեր, որոնք հիմնականում վերաբերում էին համայնքի սեփականություն հանդիսացող վարձակալությամբ տրամադրվող գյուղատնտեսական նշանակության վարելահողերին, արոտներին և խոտհարքներին։

Անդրադարձ է կատարվել նաև բնակավայրերի սեփական եկամուտների կատարողականին՝ եռամսյակային կտրվածքով։ Ներկայացվել է ցածր ցուցիչ ունեցող բնակավայրերի ցանկը և հանձնարարվել՝ ջանք ու եռանդ չխնայել՝ բարձր ցուցանիշներ գրանցելու համար:

04.04.25 ԱՊՐԻԼՅԱՆ ՔԱՌՕՐՅԱ ՊԱՏԵՐԱԶՄԻ 9-ՐԴ ՏԱՐԵԼԻՑՆ Է

Այսօր՝ ս․ թ․ ապրիլի 4-ին, ի հիշատակ Ապրիլյան քառօրյա պատերազմում զոհված հայորդիների, Սիսիանի համայնքապետարանը երթ էր կազմակերպել դեպի Սիսիանի քաղաքային պանթեոն:

Սիսիան համայնքի ղեկավար Հովսեփ Առաքելյանի, համայնքապետարանի աշխատակազմի և ենթակա կառույցների աշխատակիցների, բնակավայրերի վարչական ղեկավարների, համայնքի տարբեր կառույցների ներկայացուցիչների, բարձրաստիճան զինվորականների ուղեկցությամբ հարյուրավոր սիսիանցիներ իրենց քայլերն են ուղղել դեպի պանթեոն՝ ծաղիկներ խոնարհելու և խնկարկելու հերոսների անմահ հիշատակը:

Հավերժ փա՜ռք հայրենիքի պաշտպանության համար անմահացած մեր բոլոր քաջորդիներին։

31.03.25 ՀԱՅՏԱՐԱՐՈՒԹՅՈՒՆ

«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի համաձայն, ինչպես նաև ՀՀ կառավարության 19․11․2014թ․ թիվ 1325-Ն և 28․12․23թ․ թիվ 2343 որոշումներով սահմանված կարգով՝ 2025թ․ ապրիլի 25-ին, ժամը 12։00-ին ՀՀ Սյունիքի մարզի Սիսիան համայնքի Շաքի բնակավայրի վարչական ղեկավարի նստավայրում տեղի կունենան հանրային քննարկումներ «Շինաքար 2» ՍՊԸ-ի կողմից Գութանասարի անդեզիտաբազալտների հանքավայրի օգտակար հանածոների արդյունահանման նախաձեռնության վերաբերյալ։ Շահագրգիռ հանրությունը առաջակություններ, դիտողություններ և կարծիքներ կարող է ներկայացնել սույն ծանուցումից հետո 20 աշխատանքային օրվա ընթացքում, գրավոր կամ էլեկտրոնային եղանակով՝ դրանք ուղարկելով Սիսիանի համայնքապետարանի ... Մանրամասն

14.03.25 ՄՐՑՈՒՅԹ «ԱՂՎԱՆ ՄԻՆԱՍՅԱՆԻ ԱՆՎԱՆ ԱՐՎԵՍՏԻ ԵՎ ՍՏԵՂԾԱԳՈՐԾՈՒԹՅԱՆ ԿԵՆՏՐՈՆ» ՀԱՄԱՅՆՔԱՅԻՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՏՆՕՐԵՆԻ ԹԱՓՈՒՐ ՊԱՇՏՈՆԻ

Հայաստանի Հանրապետության Սյունիքի մարզի Սիսիանի համայնքապետարանը հայտարարում է մրցույթ «Աղվան Մինասյանի անվան արվեստի և ստեղծագործության կենտրոն» համայնքային ոչ առևտրային կազմակերպության (այսուհետ՝ հաստատություն) տնօրենի թափուր պաշտոն զբաղեցնելու համար։ Կազմակերպության գտնվելու վայրն է՝ ք․ Սիսիան, Չարենցի 5։Հաստատության տնօրենն իրականացնում է հետևյալ հիմնական գործառույթները՝ա) առանց լիազորագրի հանդես է գալիս հաստատության անունից, ներկայացնում նրա շահերը և կնքում է գործարքներ, բ) նախագահում է հաստատության մանկավարժական խորհրդի նիստերը, գ) Հայաստանի Հանրապետության օրենսդրությամբ, հիմնադրի և համայնքի ղեկավարի իրավական ակտերով և սույն կանոնադրությամբ սահմանված կարգով տնօրինում ... Մանրամասն

1 2 3 4 5 6 7 8 9 10 ...