«Քոնթուր Գլոբալ Հիդրոկասկադ» փակ բաժնետիրական ընկերությունը նախաձեռնել է Սպանդարյան և Շամբ ՀԷԿ-երի տարածքներում տեղական պահանջներին և միջազգային լավագույն փորձին համապատասխան թափոնների պահման տեղամասերի վերակառուցման աշխատանքներ: Ներկայումս մեկնարկել է նախատեսվող գործունեության շրջակա միջավայրի վրա ազդեցության հիմնական գնահատման և  փորձաքննության փուլը:

Հաշվի առնելով վերոնշյալը՝ հունիսի 27-ին, ժամը 12:30-ին, Սիսիանի համայնքապետարանում տեղի կունենա նախատեսվող գործունեության վերաբերյալ երրորդ հանրային քննարկումը: 

Հրավիրում ենք բոլոր շահագրիգիռ ֆիզիկական և իրավաբանական անձանց մասնակցելու քննարկմանը: 

Հունիսի 13-ին Սյունիքի մարզպետ Հունան Պողոսյանը և Սիսիանի համայնքի ղեկավար Արթուր Սարգսյանը այցելեցին Սիսիանի մանկապատանեկան մարզադպրոց: Հունան Պողոսյանը եկել էր շնորհավորելու և շնորհակալագրեր հանձնելու վոլեյբոլի աղջիկների և տղաների հավաքականների սաներին՝ ՀՀ վոլեյբոլի 15 տարեկան պատանիների առաջնությունում պատվավոր հորիզոնականներ զբաղեցնելու կապակցությամբ: Տղաների հավաքականը հռչակվել է առաջնության չեմպիոն, իսկ աղջիկները զբաղեցրել են 2-րդ տեղը:
Մարզպետը առաջիկայում ևս կայցելի մարզադպրոց՝ քննարկելու համահայկական խաղերին վոլեյբոլի թիմերի մասնակցությանը, շենքային պայմանների բարելավմանը, մարզագույքի ու մարզահագուստի նորացմանը վերաբերող մի շարք հարցեր:

Սիսիանի համայնքապետարանի և «Ուրբան» կայուն զարգացման հիմնադրամի համագործակցությամբ Սիսիանի աղբավայրի մոտ 216 մետր երկարությամբ հատվածը ցանկապատվում է, տեղադրվում են երկաթյա դարպասներ: Աշխատանքներն իրականացվում են 4մլն 290 հազ. դրամի շրջանակներում: Ցանկապատը տեղադրվում է անմիջապես ճամփեզրին, ինչն էլ կնպաստի, որպեսզի աղբը քամու միջոցով չտարածվի դեպի ճանապարհ: Երբեմն աղբանոց հասնելու փոխարեն բնակիչները աղբը հենց ճամփեզրին էին թափում, ցանկապատը կարող է դառնալ նաև նման երեևույթները կանխարգելող միջոց:

Հունիսի 10-ին և11-ին կայացան Սիսիանի համայնքում անցկացվող Հանրապետության տոնին նվիրված ֆուտբոլի մրցաշարի ¼ եզրափակչի խաղերը: Նախապես կազմակերպված վիճակահանության ժամանակ որոշվել էին խաղացող զույգերն ու հանդիպումների ժամանկացույցը:  Արդյունքները հետևյալն են.

•  Բռնակոթ-Ախլաթյան, 3:1
• Կարհաս-Սալվարդ, 9:0
• Շաքի-Իշխանասար, 6:1
• Սիսիանի համայնքապետարան-Անգեղակոթ, 5:0

Հունիսի 12-ին կանցկացվեն մրցաշարի կիսաեզրափակչի հանդիպումները՝

• Ժամը՝ 10:00-ին-Սիսիանի համայնքապետարան-Բռնակոթ
• Ժամը՝ 18:00-ին-Կարհաս-Շաքի:

Մրցաշարի եզրափակիչ խաղերը և փակման հանդիսավոր արարողությունը կկայանա հունիսի 13-ին:

Սույն թվականի հունիսի 25-ին՝ ժամը 14:00-ին, Սիսիանի համայնքապետարանի դահլիճում «ՍԻՍԻԱՆ-ՇԻԿ» փակ բաժնետիրական ընկերությունը կիրականացնի հանրային լսում (4-րդ հանրային լսում)՝ Սիսիանի համայնքի Հացավանի ԱԿԽ-ում հանքարդյունահանման աշխատանքներ կազմակերպելու թեմայով:

Հրավիրում ենք բոլոր շահագրգիռ կողմերին մասնակցելու հանրային լսմանը: