Ղեկավարվելով «Տեղական ինքնակառավարման մասին» օրենքի 18-րդ հոդվածի առաջին մասի 21-րդ և 29-րդ կետերով, Հողային օրենսգրքի 3-րդ հոդվածի 1-ին կետով, համաձայն Հայաստանի Հանրապետության կառավարության 2011 թվականի դեկտեմբերի 29-ի N1920-Ն որոշման դրույթների, հիմք ընդունելով Հայաստանի Հանրապետության վարչապետի 2009 թվականի դեկտեմբերի 22-ի թիվ 1064-Ա որոշմամբ ստեղծված «Հայաստանի Հանրապետության համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի» 2025 թվականի հունիսի 17-ի N 2 դրական եզրակացությունն ու համայնքի ղեկավարի առաջարկը․

Սիսիան համայնքի ավագանին որոշում է՝

1.  Սյունիքի մարզի Սիսիան համայնքը (Գորայք,Դարբաս և Որոտնավան բնակավայրեր) ներառող միկրոռեգիոնալ մակարդակի համակցված տարածական պլանավորման փաստաթղթերում կատարել փոփոխություն և պաշտպանական կարիքների համար համայնքային սեփականություն հանդիսացող՝

1) արդյունաբերության, ընդերքօգտագործման և այլ արտադրական նշանակության հողերից 5․24343հա գյուղատնտեսական արտադրական հողեր (ծածկ․՝ 09-028-0003-0012՝ 1․0հա, 09-028-0003-0001-ից 4․24343հա)․

2) ջրային նպատակային նշանակության հողերից 0․39407հա հիդրոտեխնիկական և ջրատնտեսական օբյեկտների հողեր (ծածկ․՝ 09-078-0104-0109-ից)․

3) գյուղատնտեսական նշանակության հողերից 13․77757հա, որից 4․12667հա ջրովի վարելահող, 8․61902հա արոտավայր, 1․03188հա այլ հողատեսք (ծածկ․՝ 09-031-0208-0028-ից՝  11․47047հա, 09-078-0110-0207՝ 1․27522հա, 09-078-0104-0175-ից՝ 1․03188հա) փոխադրել հատուկ նշանակության հողերի կատեգորիայի։

2․ Սույն որոշման 1-ին կետով հատուկ նշանակության հողերի նպատակային նշանակության փոխադրված 5․24343հա, 0․39407հա  և 13․77757հա ընդհանուր մակերեսով հողամասերը անհատույց սեփականության իրավունքով (նվիրաբերություն) օտարել Հայաստանի Հանրապետությանը։

3․ Համայնքապետարանի աշխատակազմի քարտուղարին` ապահովել սույն որոշումից բխող գործառույթների իրականացումը:

4. Սույն որոշումն ուժի մեջ է մտնում պաշտոնական  հրապարակմանը հաջորդող օրվանից։