Խորհրդակցության օրակարգում 2018 թվականի 1-9 ամիսներին կատարված աշխատանքների ամփոփումն էր: Օրակարգային հարցերից առաջնակի էր եկամուտների հավաքագրումը: Քննարկվեցին նաև այս ժամանակահատվածում եկամուտների հաշվառման եվ հավաքագրման բաժնի երկրորդ կարգի մասնագետների աշխատանքների թերացումները: Ներկայացվեցին բնակավայրերում տեղական հարկերի և տուրքերի հավաքագրման ցուցանիշները:
Համայնքի ղեկավարի կողմից տրվեցին հստակ հանձնարարականներ բոլոր վարչական ղեկավարներին` խոշոր հարկատուների և մեծ պարտքեր ունեցող քաղաքացիների հետ աշխատել, ինչպես նաև ճշտել չվճարման պատճառները: Հանձնարարվեց նաև ավարտին հասցնել 2019 թվականի բյուջեի պլանավորման աշխատանքները և աջակցել գույքագրման գործընթացին:
Համայնքի ղեկավարը հորդորեց վարչական ղեկավարներին, որ բնակավայրերում բոլոր աշխատանքները կատարվեն ժամանակին և պատշաճ կերպով: |