Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ և 42-րդ հոդվածի 1-ին մասի 8-րդ կետերով ու Հայաստանի Հանրապետության Քաղաքացիական օրենսգրքի 188-րդ հոդվածի 3-րդ, 5-րդ կետերով ու նկատի ունենալով Սիսիանի համայնքապետարանի աշխատակազմի քաղաքաշինության և տնտեսության ոլորտը համակարգող բաժնի պետ Սիմոն Հովհաննիսյանի զեկուցագիրը՝ որոշում եմ.

1. Հայաստանի Հանրապետության Սյունիքի մարզի Սիսիան քաղաքի վարչական տարածքում գտնվող և «Զորաց քարեր» բնակատեղի» պատմամշակութային արգելոցին պատկանող 50հա հողամասի վրա «Ֆրի Էներջի» ՍՊԸ-ի կողմից ինքնակամ կառուցված տաղավարը, որի պահպանումը խախտում է այլ անձանց իրավունքները և oրենքով պահպանվող շահերը, կառուցված է ՀՀ հողային օրենսգրքի 60-րդ հոդվածով սահմանված հողամասի վրա ճանաչել ոչ օրինական:

2. «Ֆրի Էներջի» ՍՊԸ-ին՝ որոշումը ստանալու պահից իր սեփական միջոցների հաշվին 5-օրյա ժամկետում քանդել  «Զորաց քարեր» բնակատեղի» պատմամշակութային արգելոցին պատկանող 50հա հողամասի վրա գտնվող ինքնակամ կառուցված շինությունը (տաղավարը) և առաջացած շինարարական աղբը սահմանված կարգով տեղափոխել աղբավայր ու տարածքը բերել նախկին տեսքի:

3. Համայնքապետարանի աշխատակազմի քաղաքաշինության և տնտեսության ոլորտը համակարգող բաժնի պետ Սիմոն Հովհաննիսյանին՝ կատարվելիք աշխատանքների նկատմամբ իրականացնել հսկողություն: