Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով և «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 1-ին և 2-րդ մասերով ու նկատի ունենալով Սիսիանի համայնքապետարանի աշխատակազմի քաղաքաշինության և տնտեսության ոլորտը համակարգող բաժնի պետ Ս. Հովհաննիսյանի 2019 թվականի դեկտեմբերի 2-ի զեկուցագիրը՝ որոշում եմ.

1. Հայաստանի Հանրապետության Սյունիքի մարզի Սիսիանի համայնքի ղեկավարի 2019 թվականի օգոստոսի 13-ի «Հայաստանի Հանրապետության Սյունիքի մարզի Սիսիան քաղաքի Իսրայել-Օրի փողոց թիվ 4ա հասցեում գտնվող անշարժ գույքը վերահասցեավորելու մասին» թիվ 702-Ա որոշման մեջ կատարել փոփոխություն և որոշման վերնագրի ու 1-ին կետի «Իսրայել-Օրի փողոց» բառերը փոխարինել «Իսրայել-Օրի փողոց, 9-րդ շենք» բառերով:

2. Սույն որոշումն ենթակա է գույքային իրավունքների պետական գրանցման: