Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 16-րդ և 24-րդ կետերով, հիմք ընդունելով Հայաստանի Հանրապետության Քաղաքացիական օրենսգրքի 606-րդ հոդվածը և 608-րդ հոդվածի 1-ին կետը, 617-րդ հոդվածը և Սիսիանի համայնքի ավագանու 2020 թվականի հունվարի 24-ի թիվ 11-Ա որոշումն ու նկատի ունենալով Միքայել Սերոժի Արամյանի 2020 թվականի հունվարի 15-ի դիմումը՝ որոշում եմ.
1. Հայաստանի Հանրապետության Սյունիքի մարզի Սիսիանի համայնքի սեփականություն հանդիսացող Լոր բնակավայր 3-րդ փողոց 38 հասցեում գտնվող անշարժ գույքը (վկ.՝ 09042013-09-0010)՝ 0.1537հա հողամասը և վրան կառուցված 1445.64քմ մակերեսով անասնաշենքը, 10 տարի ժամկետով, վարձակալական հիմունքներով տրամադրել քաղաքացի Միքայել Սերոժի Արամյանին՝ բիոհումուսի արտադրություն կազմակերպելու նպատակով, տարեկան 30000 (երեսուն հազար) ՀՀ դրամ վարձավճարով:
2. Սահմանել, որ վարձակալության պայմանագրի պետական գրանցման հետ կապված ծախսերը իրականացվում է վարձակալի միջոցների հաշվին:
3.Համայնքապետարանի աշխատակազմի քարտուղարին՝ ապահովել սույն որոշումից բխող օրենքով սահմանված գործառույթները: