Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ և 26-րդ կետերով, «Վարչական իրավախախտումների վերաբերյալ» Հայաստանի Հանրապետության օրենսգրքի 2191 հոդվածով, 23-րդ հոդվածի 2-րդ մասով, 32-րդ հոդվածի 1-ին և 2-րդ պարբերություններով, 37-րդ հոդվածի 1-ին պարբերությամբ, 8-րդ, 245-րդ, 249-րդ, 251-րդ, 252-րդ, 267-րդ,275-րդ, 276-րդ, 278-րդ, 279-րդ, 281-րդ, 283-րդ հոդվածներով և 282-րդ հոդվածի 1-ին մասի 1-ին կետով, «Քաղաքաշինության մասին» Հայաստանի Հանրապետության օրենքի 23-րդ հոդվածի պահանջներով, 2024 թվականի ապրիլի 08-ին քննության առնելով Սիսիանի համայնքապետարանի աշխատակազմի քաղաքաշինության բաժնի կողմից առանց համապատասխան թույլտվության Սիսիան քաղաքի Սպանդարյան փողոց 50 հասցեում գտնվող հողամասում կատարված ապօրինի շինարարություն կատարելու փաստով 2024 թվականի մարտի 06-ին վարչական իրավախախտման վերաբերյալ կազմված թիվ 03 ստուգման ակտը և կից նյութերը՝ պարզեցի.
Սիսիան քաղաքի Սպանդարյան փողոց տուն 50 հասցեի բնակիչ՝ Դոնարա Նիկոլայի Հարությունյանը /ծնվ.՝ 18.06.1949թ., անձնագիր՝ AT0567517, տրված՝ 23.09.2020թ., 051-ի կողմից/, առանց համապատասխան թույլտվության, ինքնակամ՝ Սիսիան քաղաքի Սպանդարյան փողոց 50 հասցեում գտնվող սեփականության իրավունքով իրեն պատկանող բնակելի տանը կից 2009 թվականին իրականացրել է 143.6 քառակուսի մետր ներքին մակերեսով անասնաշենքի, նկուղի և կից կառույցի ապօրինի շինարարություն:
Նկատի ունենալով, որ Դոնարա Նիկոլայի Հարությունյանն արարքը կատարել է 2009 թվականին, հաշվի առնելով Դոնարա Հարությունյանի դիմումը և «Վարչական իրավախախտումների վերաբերյալ» Հայաստանի Հանրապետության օրենքի 8-րդ հոդվածի պահանջները, կարող ենք փաստել Դոնարա Հարությունյանի արարքը մինչև 2021 թվականի դեկտեմբերի 16-ի գործող խմբագրության «Վարչական իրավախախտումների վերաբերյալ» Հայաստանի Հանրապետության օրենքի 154-րդ հոդվածի 1-ին մասի 1-ին պարբերությամբ նախատեսված վարչական իրավախախտում է, ինչպես նաև ապահովելով «Վարչարարության և վարչական վարույթի մասին» Հայաստանի Հանրապետության օրենքի 37-րդ հոդվածի 1-ին պարբերության պահանջները՝ փաստական հանգամանքների բազմակողմանի, լրիվ և օբյեկտիվ քննարկումը, բացահայտելով գործի բոլոր հանգամանքները՝ որոշում եմ.
1. «Վարչական իրավախախտումների վերաբերյալ» Հայաստանի Հանրապետության օրենսգրքի մինչև 2021 թվականի դեկտեմբերի 16-ը գործող խմբագրության 154-րդ հոդվածի 1-ին մասի 1-ին պարբերությամբ նախատեսված, առանց համապատասխան թույլտվության ապօրինի շինարարություն կատարելու փաստով Դոնարա Նիկոլայի Հարությունյանին ենթարկել վարչական պատասխանատվության և նշանակել տուգանք 200000 /երկու հարյուր հազար/ ՀՀ դրամի չափով:
2. «Վարչական իրավախախտումների վերաբերյալ» Հայաստանի Հանրապետության օրենսգրքի 305-րդ հոդվածով սահմանված կարգով նշանակված տուգանքի մասին որոշումը ստանալու օրվանից 15-օրյա ժամկետում ենթակա է վճարման Հայաստանի Հանրապետության ֆինանսների նախարարության գործառնական վարչության 900295101274 հաշվեհամարին, որը կամավոր չմուծելու դեպքում կգանձվի օրենքով նախատեսված հարկադիր կարգով:
3. Աշխատակազմի քարտուղարին` ապահովել սույն որոշումից բխող անհրաժեշտ գործառույթների իրականացումը:
4. Սույն որոշումը կարող է բողոքարկվել ուժի մեջ մտնելու օրվանից 2 ամսվա ընթացքում:
5․ Սույն որոշումն ուժի մեջ է մտնում պաշտոնական հրապարակմանը հաջորդող օրվանից։