Առաջարկում եմ բարեկարգել Սիսիան քաղաքում գտնվող Որոտան կինոթատրոնի հարակից տարածքը։ Նշված տարածքը գտնվում է քաղաքի կենտրոնական հատվածում։ Նախկինում ծառայել է որպես զբոսայգի թե՛ տարեցների, և թե՛ երիտասարդների համար։ Սակայն այժմ գտնվում է անմխիթար և անբարեկարգ վիճակում, ավելին՝ հաճախ հակասանիտարական վիճակներ են ստեղծվում շրջապատի համար։ Բարեկարգումից հետո տարածքը կրկին կծառայի որպես զբոսայգի, որից կօգտվեն համայնքի բոլոր բնակիչները և համայնքի այցելուները։ Առաջարկված նախագծի իրագործումը կխթանի նաև զբոսշրջային միջավայրի զարգացումը։