Սույն թվականի սեպտեմբերի 24֊ին համայնքի ղեկավար Հովսեփ Առաքելյանը համայնքապետարանի նիստերի դահլիճում հրավիրել էր աշխատանքային խորհրդակցություն՝ մշակութային և գրադարանային գործունեություն իրականացնող բնակավայրերի մասնագետների, համայնքապետարանի ոլորտային պատասխանատուների և ենթակա կառույցների աշխատակիցների մասնակցությամբ։
Համայնքի ղեկավարը հորդորել է աշխատակիցներին մշտապես լինել ակտիվ, նախաձեռնող՝ կազմակերպելով միջոցառումներ՝ գրական հիշարժան տարեթվերի ու հոբելյանների, տոների և հիշատակի օրերին նվիրված։
Խորհրադակցության ընթացքում քննարկվել են նաև մի շարք հարցեր և խնդիրներ, որոնք հիմնականում վերաբերում էին բնակավայրերում գործող մշակույթի տների և գրադարանների վերանորոգմանը, գրադարանային ֆոնդերի համալրմանը և այլն։
Համայնքի ղեկավարն արձանագրելով խնդիրները՝ խոստացել է հնարավորինս կարճ ժամանակահատվածում լուծումներ տալ։
Խորհրդակցության ընթացքում քննարկվել են նաև աշխատանքային կարգապահությանը վերաբերող մի շարք հարցեր։
|