Սույն թվականի հոկտեմբերի 1-ին համայնքի ղեկավար Հովսեփ Առաքելյանը համայնքապետարանի նիստերի դահլիճում հրավիրել էր աշխատանքային խորհրդակցություն, որին ներկա են գտնվել համայնքապետարանի աշխատակազմի քարտուղար Կարեն Իվանյանը, համայնքապետարանի ենթակա կառույցների տնօրենները։
Խորհրդակցության ընթացքում քննարկվել են հիմնականում նոր ուսումնական տարվա կազմակերպչական ընթացիկ խնդիրներին առնչվող հարցեր։ Հատ առ հատ անդրադառնալով ՀՈԱԿ-ներին՝ համայնքի ղեկավարը լսել է տնօրենների կողմից բարձրացրած խնդիրներն ու առաջարկությունները, որոնք հիմնականում վերաբերում են շենքերի ներքին հարդարմանը, խմբասենյակների ավելացմանը, տեխնիկաների վերազինմանը, գույքի թարմացմանը և այլն։