Խորհրդակցության թեման կրկին վերաբերում էր ապառքների ցուցանիշներին, ինչի կապակցությամբ Հովսեփ Առաքելյանը մեկ առ մեկ անդրադարձել է բնակավայրերին՝ տեղեկացնելով, որ այսուհետ այս ձևաչափով հանդիպումներ իրականացնելու է ամիսը երկու անգամ։

Հովսեփ Առաքելյանը հորդորել է բնակավայրերի Եկամուտների հաշվառման և հավաքագրման բաժնի աշխատակիցներին լինել ավելի խստապահանջ ու հետևողական, քանի որ հավաքագրման բարձր ցուցանիշով է պայմանավորված Սիսիան քաղաքի և Սիսիան համայնքի բոլոր բնակավայրերի համաչափ զարգացումը՝ նշելով, որ ցուցանիշները բարելավելու համար համայնքապետարանի կողմից օրենքով սահմանված կարգով հարուցվում են վարչական վարույթներ այն անձանց նկատմամբ, ովքեր խուսափում են հարկային պարտավորությունները կատարելուց։