Քննարկման թեման վերաբերում էր բնակավայրերի ապառքների ցուցանիշներին, ինչի կապակցությամբ Հովսեփ Առաքելյանը մեկ առ մեկ անդրադարձել է բնակավայրերին։

Համայնքի ղեկավարը հորդորել է բնակավայրերի Եկամուտների հաշվառման և հավաքագրման բաժնի աշխատակիցներին լինել ավելի խստապահանջ ու հետևողական, քանի որ հավաքագրման բարձր ցուցանիշով է պայմանավորված Սիսիան քաղաքի և Սիսիան համայնքի բոլոր բնակավայրերի համաչափ զարգացումը։ Նա նաև շեշտել է, որ ցուցանիշները բարելավելու համար համայնքապետարանի կողմից օրենքով սահմանված կարգով հարուցվում են վարչական վարույթներ այն անձանց նկատմամբ, ովքեր խուսափում են հարկային պարտավորությունները կատարելուց։

Հովսեփ Առաքելյանն առանձնահատուկ անդրադարձել է աշխատանքային կարգապահությանը՝ հավելելով, որ առավել քան խիստ է լինելու այն աշխատակիցների նկատմամբ, ովքեր հետայսու կխախտեն աշխատանքային գրաֆիկը և կխուսափեն աշխատանքային պարտականությունները բարեխղճորեն կատարելուց։