Սիսիանի համայնքի ղեկավարի որոշման կարգավորման առարկան.

Քաղաքացի Մելսիկ Ծատուրի Գալստյանը, հանդիսանալով հողի հարկ վճարող սուբյեկտ, «Հողի հարկի մասին» ՀՀ օրենքով սահմանված կարգով չի կատարել հողի հարկ վճարելու պարտականությունը, ինչի կապակցությամբ 2020 թվականի հուլիսի  7-ին «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի բ) կետի հիմքով Սիսիանի համայնքապետարանի աշխատակազմում հարուցվել է վարչական վարույթ` հողի հարկի գումարի գանձման հարցի քննության նպատակով: «Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները, վարչական մարմինը հաստատված է  համարում հետևյալը.

Վարչական ակտն ընդունելու համար հիմք հանդիսացող փաստերը.

Համաձայն ՀՀ ԿԱ ԱԳԿ ՊԿ կողմից տրված տվյալների Սիսիանի համայնքի, Շաքի բնակավայր հասցեի՝ 0.17հա տնամերձ և 1.15հա,  1.04հա, 1.02հա, 1.07հա, 2.13հա, 0.25հա, 0.14հա, 0.105հա գյուղնշանակության հողատարածքները հանդիսանում են քաղաքացի Մելսիկ Ծատուրի Գալստյանի  սեփականությունը, ինչը «Հողի հարկի մասին» ՀՀ օրենքով հանդիսանում է հարկվող օբյեկտ: Հողամասի համար վճարման ենթակա հարկը կազմում է 201.414 /երկու հարյուր մեկ հազար չորս հարյուր  տասնչորս/  ՀՀ դրամ, ինչը 2008-2020թթ. ընկած ժամանակահատվածում չի վճարվել: Քաղաքացի Մելսիկ Ծատուրի Գալստյանի կողմից նշված ժամանակահատվածի համար հողի հարկն օրենքով սահմանված ժամկետում չվճարելու արդյունքում առաջացել է տույժ` 76.199 ՀՀ դրամի չափով: 2020 թվականի հուլիսի 7-ին «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի բ) կետի հիմքով Սիսիանի համայնքապետարանում հարուցված վարչական վարույթի շրջանակներում 2020 թվականի հուլիսի 12-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել և ներկայացել է քաղաքացի Մելսիկ Ծատուրի Գալստյանը  /հիմք՝ ծանուցագիր տրված 07.07.2020թ/:

Վարչական վարույթի լսումներն իրականացվել են պատշաճ ծանուցված քաղաքացի Մելսիկ Ծատուրի Գալստյանի  ներկայությամբ:

Վարչական ակտ ընդունելու հիմնավորումը.

ՀՀ Սահմանադրության 60-րդ հոդվածի 8-րդ մասի համաձայն` յուրաքանչյուր ոք պարտավոր է օրենքին համապատասխան  սահմանված կարգով և չափով մուծել հարկեր, տուրքեր, կատարել պետական կամ համայնքային բյուջե մուտքագրվող  պարտադիր  այլ   վճարումներ:

Համաձայն «Հողի հարկի մասին» ՀՀ օրենքի 1-ին հոդվածի` հողի հարկ վճարողներ են հանդիսանում հողի սեփականատերերը, պետական սեփականություն հանդիսացող հողի մշտական օգտագործողները:

Համաձայն «Հողի հարկի մասին» ՀՀ օրենքի 16-րդ հոդվածի` հողի հարկի գումարը համայնքի վարչական սահմաններում գտնվող հողամասերի համար վճարվում է հարկվող օբյեկտի գտնվելու վայրի համայնքի բյուջե:

Համաձայն «Հարկերի մասին» ՀՀ օրենքի 23-րդ հոդվածի` հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը վճարում է տույժ` ժամանակին չմուծված հարկի գումարի 0.15 տոկոսի չափով:

Համաձայն ՀՀ Հարկային օրենսգրքի 401-րդ հոդվածի` հարկի վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը վճարում է տույժ՝ 0.075 տոկոսի չափով: Հարկային պարտավորությունների գծով գումարների վճարումը սահմանված ժամկետից ուշացնելու դեպքում տեղական ինքնակառավարման մարմինն որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս:

Ելնելով վերոգրյալից և ղեկավարվելով «Հողի հարկի մասին» ՀՀ օրենքի 1-ին, 16-րդ,  ՀՀ հարկային  օրենսգրքի 398-րդ, «Վարչարարության հիմունքների և վարչական վարույթի մասին» ՀՀ օրենքի 53-րդ, 58-60-րդ հոդվածներով՝ ՈՐՈՇՈՒՄ ԵՄ․

1.Քաղաքացի Մելսիկ Ծատուրի Գալստյանից հօգուտ Սիսիանի համայնքի բյուջե գանձել 201.414/ երկու հարյուր մեկ հազար չորս հարյուր տասնչորս/ ՀՀ դրամ, որից 125.215  ՀՀ դրամ որպես հողամասի համար վճարման ենթակա հողի հարկի գումար, 76.199  ՀՀ դրամ, որպես պարտավորությունը չկատարելու արդյունքում հաշվարկված տույժ:
  2. Սույն որոշումը կարող է վարչական կարգով բողոքարկվել Սիսիանի համայնքի ղեկավարին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում:
  3.Սույն որոշման պահանջները չկատարելու դեպքում, «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ենթակա է հարկադիր կատարման` ՀՀ ԱՆ ԴԱՀԿ ծառայության միջոցով` անբողոքարկելի դառնալուց հետո   եռամսյա ժամկետում:
  4.Սույն որոշման կատարման ընթացքի նկատմամբ հսկողությունն իրականացնում է Սիսիանի համայնքի ղեկավարը: