Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35 հոդվածի 1-ին մասի 24) կետով և «Իրավական ակտերի մասին» Հայաստանի Հանրապետության օրենքի 20 հոդվածով, «Քաղաքացիական պաշտպանության մասին» Հայաստանի Հանրապետության օրենքի 14 հոդվածի պահանջներով, համաձայն Սյունիքի մարզի բնակչության պաշտպանության համակարգի նախապատրաստման 2017 թվականի հիմնական միջոցառումների պլանի ու նկատի ունենալով, որ ս/թապրիլի 4-ին Սիսիանի համայնքում անց է կացվելու շտաբային ուսումնավարժություն «Ջրամբարի պատվարի փլուզման սպառնալիքի դեպքում համայնքի բնակչության պաշտպանության կազմակերպումը» թեմայով, ուսումնավարժության կազմակերպման և արդյունավետ անցկացման նպատակով՝ որոշում եմ.
1. ՈՒսումնավարժության ղեկավարման շտաբի պետ նշանակել Սիսիանի համայնքապետարանի աշխատակազմի քարտուղար Վաչագան Միրաբյանին:
2. ՈՒսումնավարժությունում ընդգրկել համայնքապետարանի ղեկավար կազմին, համայնքի ՔՊ ծառայությունների և կազմավորումների պետերին ու տարահանման հանձնաժողովին:
3. Հաստատել ուսումնավարժության նախապատրաստման օրացուցային պլանը՝ համաձայն հավելվածի և ապահովել պլանով նշված միջոցառումների սահմանված ժամկետում կատարումը: