Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ  կետով, «Նորմատիվ իրավական ակտերի մասին» Հայաստանի Հանրապետության օրենքի 2-րդ հոդվածի 1-ին մասի  5-րդ կետով և Հայաստանի Հանրապետության Աշխատանքային օրենսգրքի 107-րդ ու 186-րդ  հոդվածների 1-ին մասով, հիմք ընդունելով Հայաստանի Հանրապետության  Առողջապահության նախարարի  թիվ 857 հրամանի Սանիտարական նորմերի և կանոնների  7-րդ հոդվածի 7.1  կետը և նկատի ունենալով Սիսիանի համայնքի կարիքների համար կապալային աշխատանքների կատարման գնման  N ՍՄՍՔ- ԳՀԱՇՁԲ-18/2 և N ՍՄՍՔ- ԳՀԱՇՁԲ-18/3  պայմանագրերը՝ որոշում եմ.

1. 2018 թվականի սեպտեմբերի 24-ից ժամանակավորապես դադարեցնել  «Սիսիանի համայնքի  թիվ 1 ՆՈՒՀ» և  «Սիսիանի համայնքի  թիվ 4 ՆՈՒՀ» ՀՈԱԿ-ների Սիսիան քաղաքի  խմբերի գործունեությունը՝ նորոգման աշխատանքներ կատարելու պատճառով:

2. ՀՈԱԿ-ների տնօրեններին՝ վերանորոգման աշխատանքներով պայմանավորված աշխատանք չիրականացնող անձանց  հարկադիր պարապուրդի մեջ գտնվելու  ժամանակահատվածում  աշխատավարձի վճարումն իրականացնել  Հայաստանի Հանրապետության Աշխատանքային օրենսգրքով սահմանված կարգով: