Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35 հոդվածի առաջին մասի 24) կետով, «Իրավական ակտերի մասին» Հայաստանի Հանրապետության օրենքի 20 հոդվածով, Հայաստանի Հանրապետության Քաղաքացիական օրենսգրքի 685 հոդվածով, 688 հոդվածի առաջին մասով ու 689 հոդվածով, հիմք ընդունելով  Սիսիանի համայնքի ավագանու 2017 թվականի մարտի 14-ի թիվ 14(Ա) որոշումը և նկատի ունենալով «Առաքելություն Հայաստան» բարեգործական հասարակական կազմակերպության գրությունը՝ որոշում եմ.

1. ՀՀ Սյունիքի մարզի Սիսիանի համայնքի սեփականություն հանդիսացող Սիսիան քաղաքի Սպանդարյան փողոց թիվ 82 հասցեում գտնվող «Սիսիանի համայնքի թիվ 2 ՆՈՒՀ» ՀՈԱԿ-ին օգտագործման տրամադրված անշարժ գույքից առանձնացնել 98,88քմ չօգտագործվող մակերեսով գույքը՝ համաձայն հավելվածի և 5 տարի ժամկետով, անհատույց օգտագործման իրավունքով հանձնել «Առաքելություն Հայաստան» բարեգործական հասարակական կազմակերպությանը՝ Սիսիանում բարեգործական ճաշարան ստեղծելու նպատակով:
2. Համայնքապետարանի աշխատակազմի քարտուղարին՝ ապահովել սույն որոշումից բխող գործառույթների իրականացումը: